Në pikën kufitare të Kakavijës ka fluks të lartë të udhëtarëve që vijnë nga Greqia.
Emigrantët po kthehen për të pushuar në vendlindje. Megjithëkëtë në doganë thonë se nuk ka radhë.
Fluks më të lartë ka pasuar gjatë fundjavës ku në Shqipëri përmes kësaj pike kufitare hynë rreth 18 mijë persona ndërsa më shumë se 7 mijë e 800 emigrantë u kthyen në vendin ku jetojnë e punojnë.
Në doganën greke po punohet me tre sportele në dalje gjë që ka sjellë lehtësi në kontrolle.
Emigrantët shqiptar që po kthehen në vendin fqinj thonë se nuk kanë qëndruar më tepër se gjysmë ore në pritje dhe se situata është menaxhuar më mirë se vitet e shkuara./abcnews.al
