Paralajmërimi i udhëheqësit të shumicës në Senatin Amerikan, Chuck Schumer se Izraeli rrezikonte të bëhej ‘paria’ dhe thirrja e tij për zgjedhje të reja shënoi një moment t5ë rëndësishëm në marrëdhëniet Uashington-Telv Aviv, shkruan CNN.
Qortimi i Schumer ndaj kryeministrit izraelit, Benjamin Netanyahu të enjten që lamë pas, përmbante një gjuhë jashtëzakonisht të fortë për një politikan të lartë amerikan që kritikonte qeverinë e Izraelit.
Fjalimi i Senatit ishte gjithashtu një shenjë e pagabueshme e zhgënjimit në rritje midis demokratëve të lartë për sjelljen e Netanyahut në luftën në Gaza pas sulmeve terroriste të Hamasit të 7 tetorit që vranë 1200 njerëz dhe mosgatishmërisë së tij për të dëgjuar këshillat e SHBA. Ai gjithashtu pasqyron realitetet politike në Shtetet e Bashkuara.
Vdekja e më shumë se 30 mijë palestinezëve në konflikt, sipas Ministrisë së Shëndetësisë në Gaza, ka zemëruar progresistët amerikanë, arabo-amerikanët dhe votuesit më të rinj në SHBA – të gjitha pjesët kryesore të koalicionit të Presidentit Joe Biden ndërsa ai kërkon rizgjedhjen .
