Fjalët e drejtorit sportiv të Milanit, Paolo Maldini, për trajnerin Ralf Rangnick bënë xhiron e mediave në Itali dhe jo vetëm. Italiani deklaroi se tekniku i RB Leipzig nuk është i denjë për një klub si Milani.
Por mesa duket jo të gjithë janë habitur nga fjalët e ish-kapitenit kuqezi. Sipas raportimit të “MilanNews”, klubi ishte në dijeni se Maldini do të deklaronte ato fjalë për Rangnick në media.
LEXO EDHE: “Mëso respektin përpara gjuhës italiane”, Paolo Maldini thumbon Rangnick
Objektivi i Paolos ka qenë ti përgjigjej zërave të merkatos që e lidhnin Ralfin për një transferim tek kuqezinjtë. Mesa duket objektivi u arrit dhe më shumë pritet të mësojmë në javët në vazhdim për fatin e stolit të “Djallit”. /abcnews.al
