Chelsea fitoi 1-2 në fushën e Sheffield United mbrëmjen e kaluar. Suksesi i tretë radhazi me Tuchel në stol dhe zona Champions League vetëm një pikë larg.
Timo Werner foli pas suksesit jashtë fushe, analizoi fitoren e radhës dhe u ndal edhe në aspektin personal. Goli po mungon, por sulmuesi gjerman po jep kontributin e tij tek ekipi londinez
“Në kompleks ishte një fitore shumë e bukur. Nuk e kishim aspak të thjeshtë, pasi Sheffield është një ekip që mbrohet mirë. Jemi krenar për fitoren dhe për faktin që po vazhdojmë me rezultate pozitive.
Nuk ia dola të shënoj, por po ia dal të ndihmoj skuadrën me gjëra të tjera. Nuk dua të ndalem, dua të vazhdoj kështu“, deklaroi sulmuesi gjerman, autori i një asisti dhe ai që fitoi penalltinë që u kthye në gol nga Jorginho. /abcnews.al
