Pasi, holandezi Max Verstappen arriti të zyrtarizonte titullin e Kampionit të Botës, në “Çmimin e Madh të Abu Dhabit” në pistën e Yas Marina, u mbyll edhe botërori i vitit 2023 në garat më të bukur me makina, Formula 1.
Një dominim total i holandezit dhe skuderisë “Red Bull” që mbyllin kështu një tjetër vit mjaft të suksesshëm, e pas garës Max Verstappen deklaroi se do të jetë e vështirë që të përsëritet një edicion si ky që u mbyll, duke e cilësuar të pabesueshëm për atë çka u regjistrua gjatë vitit 2023.
“Një sezon i jashtëzakonshëm. Jam shumë krenar që fitova edhe në garën e fundit. Dua të falënderoj Red Bull-in, pasi ka qenë një vit i jashtëzakonshëm. Do të jetë e vështirë të bëjmë diçka të ngjashme përsëri, por ne padyshim që e kemi shijuar këtë vit. Ne po punojmë shumë që vitin e ardhshëm të kemi sërish një makinë shumë konkurruese. Sigurisht që të gjitha skuadrat e tjera duan të përpiqen të na mposhtin atje. Ne jemi gati për betejë, por ndërkohë do të shijojmë pak edhe këtë vit”,- u tha nga “tulipani i Red Bull
Ndërkaq, kujtojmë se Verstappen arriti që të fitonte titullin e tretë botëror radhazi, teksa ai ka si objektiv që të barazohet me Lewis Hamilton dhe Michael Schumacher, të cilët kanë triumfuar nga 7 herë në garat me makina. /i.m /abcnews.al
