Mjeku Dhimitër Kraja u rikthye në krye të detyrës disa vite pasi kishte dalë në pension, për shkak të situatës së COVID-19. Kraja ishte një nga personat që u prek nga koronavirusi dhe që ia doli të fitojë betejën.
Vetë doktori ka rrëfyer për eksperiencën që ka përjetuar, ndërsa shprehet se e ndjente si detyrë që të ndihmonte kolegët e tij, që po bëjnë një punë të rëndësishme, kundër këtij armiku që ka sulmuar gjithë botën.
Gjithashtu ai i bën thirrje qytetarëve që të tregohen të kujdesshëm në respektimin e masave deri sa të arrihet në shuarjen e kësaj pandemie.
Kryeministri Rama, ka publikuar videon në rrjetin social “Facebook” të cilën e quan dëshmi frymëzuese rrëfimin e profesor Krajës.
Statusi:
MIRËMËNGJES
dhe me këtë dëshmi frymëzuese të profesorit të nderuar Dhimitër Kraja, i cili u rikthye nga pensioni si vullnetar, u infektua dhe pasi e mundi armikun, u rikthye sërish krah kolegëve në frontin e luftës përballë Armikut të Padukshëm, ju uroj një ditë të mbarë
