Me “bomberin” francez, Karim Benzema drejt fundit të karrierës së tij, “galaktikët” e Real Madrid janë duke menduar për të “rifreskuar” repartin ofensiv, teksa kjo merkato vere pritet të jetë shumë e “nxehtë” për “mbretërit” e Madridit.
Sipas raportimeve të gazetarit të mirënjohur sportive, Fabrizio Romano, në “radarët” e “galaktikëve” ka rënë “fantazisti” i Liverpool, Roberto Firmino, i cili këtë sezon i dha fund “aventurës” së tij me “të kuqtë”, teksa do të largohet nga këta të fundit si lojtar i lirë sapo të hapet merkatoja e verës.
Mirëpo, lista e “madrilenëve” është shumë e gjatë për repartin ofensiv, me bordin e “galaktikëve” që përveç Firmino kërkon të sjellë në “Santiago Bernabeu”, lojtarë si Mbappe, Osimhen e Dusan Vlahovic. /i.m /abcnews.al
