Kryetarja e LSI-së Monika Kryemadhi ndodhet në selinë e PD së bashku me kreun e PDIU Shpëtim Idrizi në një takim me liderin e opozitës Lulzim Basha.
Gazetari Juxhin Mustafaraj tha për “ABC News” se lideri i Opozitës po diskuton me këto dy aleatë formulën e cila pritet të mbështetet për Komisionet Zgjedhore.
Takimi mendohet se ka në fokus zhvillimet politike, ndërkohë që ende nuk ka një kompromis për Reformën Zgjedhore. Kujtojmë se palët janë ulur në tryezë prej janarit pas një marrëveshje që solli ngritjen e Këshillit Politik mes opozitës jashtëparlamentare, mazhorancës dhe opozitës parlamentare.
Ndërkohë në orët në vijim pritet të bëhen me dije edhe arritjet e këtij takimi./abcnews.al
