Shqetësimin e Amerikës për të bllokuar financimin e politikës nga paratë ruse, Partia Demokratike mendon se mund ta zgjidhë me disa ndryshime ligjore.
Oerd Bylykbashi nga grupimi i Berishës, ka listuar zgjidhjet ligjore, duke ja lënë Lulzim Bashës të gjithë përgjegjësinë e akuzave që bien ndaj PD-së se mori 500 mijë dollarë nga Rusia në vitin 2017.
Për Bylykbashin, vendi i duhur për ta trajtuar këtë cështje, është komisioni i reformës elektorale.
Sa i takon reformës territoriale, Bylykbashi thotë se propozimet e të dy grupeve të PD-së, atyre të Bashës e Berishës, nuk janë shumë të ndryshme, ndaj varianti me 92-95 bashki, është në të mirë të qytetarëve.
