FIFA ka vendosur të zgjidhë përfundimisht përplasjen mes Nantes dhe Cardif City. Klubi francez dhe ai uellsian nuk kanë rënë dakord në lidhje me pagesën e Emiliano Sala. Sulmuesi argjentinas u transferua janarin e kaluar në Premier League dhe klubet ranë dakord për shumën e 15 milionë sterlinave.
Sala humbi jetën në avionin që po e dërgonte drejt Uellsit dhe mes klubeve filloi lufta e ftohtë. Francezët pretendojnë paratë pasi lojtari ka firmosur me Cardiff, por ndryshe mendojnë uellsianët, të cilët pretendojnë se lojtari latin nuk ishte zyrtarisht lojtar i tyre kur vdiq.
FIFA ka kërcënuar me bllokim të merkatos ekipin britanik nëse nuk paguan këstin e parë prej 5.3 milionë sterlinash. Cardiff ka dy javë kohë për të apeluar këtë vendim në Gjykatën e Arbitrazhit Sportiv. /abcnews.al
