Policia e Fierit ka nisur procedimin në gjendje të lirë ndaj një 28-vjeçareje. Kjo për shkak se ish-bashkëshorti, ka bërë një kallëzim në polici se 28-vjeçarja ka ushtruar dhunë ndaj fëmijëve të tyre të mitur.
“Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasen 28 vjeçe, banuese në Fier, pasi ish-bashkëshorti i saj ka kallëzuar se kjo shtetase ka ushtruar dhunë ndaj fëmijëve të tyre të mitur”, thuhet në njoftimin e policisë së Fierit.
Sakaq materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
/abcnews.al/
