Bonus prej 5 mijë lekësh për kategoritë në nevojë dhe 1 pagë shpërblim për administratën që është e angazhuar me procesin e integrimit. Qeveria ka rishikuar buxhetin duke i akorduar shpërblim për fundvit këtyre kategorive.
Ministri i Financave, Ervin Mete tha se janë rialokuar 20 miliardë lekë që do të rishpërndahen edhe për disa projekte me ecuri të mirë.
Kategoritë në nevojë do të përfitojnë një bonus në vlerën e 5 mijë lekëve. Ministri i financave, Ervin Mete deklaroi se në mbledhjen e qeverisë është miratuar rishikimi i buxhetit për këtë vit ku janë rialokuar rreth 20 miliardë lekë. Ndërkohë familjet me ndihmë ekonomike, por me fëmijë, do të marrin dyfishin e masës, që do të thotë marrin 10 mijë lekë të reja.
Shpërblim 1 pagë për fundvit qeveria ka parashikuar edhe për 1.144 punonjës të administratës që është marrë me procesin e integrimit.
Po ashtu më shumë fonde i janë dhënë edhe bashkive si dhe projekteve që kanë pasur ecuri më të mirë
Mbështetje është parashikuar edhe për çdo punonjës policie për kompensimin e tyre ushqimor në një vlerë totale prej rreth 800 milionë lekë./abcnews.al
