Në zemër të Parkut Kombëtar të Shebenikut u zhvillua festa e Lunikut.
Një aktivitet për të promovuar turizmin malor dhe traditën e zonës.
Ministri I Shtetit për Marrëdhëniet me Parlamentin Taulant Balla u kthye në vendlindje në Librazhd dhe mori pjesë në këtë festë.
“Zoti e ka bekuar Librazhdin me një nga Parqet Kombëtare më të mëdha, Parkun e Shebenikut, i cili është një zonë që ka burime të mëdha natyrore sa i përket zhvillimit të Agroturizmit. Mendoj se është koha e duhur për ta përdorur këtë bukuri natyrore në funksion të zhvillimit ekonomik dhe social të kësaj zone. “
Për fushën e Letmit një hapësirë prej 300 hektarësh bashkia e Librazhdit ka gati projektin për zhvillimin e turizmit malor. Ndërkohë kryebashkiaku ftoi sipërmarrësit për të investuar.
Kjo festë lokale organizohet për të 17 vit radhazi.
