Qindra fermerë me traktorë mbushur po vërshojnë në qendër të Madridit, duke denoncuar konkurrencën e pandershme nga vendet jashtë Bashkimit Europian.
Demonstruesit duke iu përgjigjur thirrjes së “Union de Uniones” u mblodhën në agim në komunitetet në rajonin e Madrid pas parullave me slogane që bënin thirrje për “çmime të drejta” për fermerët.
Më pas së bashku me një falangë prej pesë rreshtash traktorë nisën marshimin drejt qendrës në Madrid, ku pasdite do të zhvillohet një demonstrim para Ministrisë së Bujqësisë, tre javë pas fillimit të mobilizimeve në Spanjë.
Krahas demonstratës në Madrid, tubime po organizohen edhe në qytete të tjera si Murcia dhe Malaga.
Fermerët spanjollë kanë protestuar vazhdimisht që nga 1 shkurti. Ato janë mirëpritur vazhdimisht nga Ministri i Bujqësisë Luis Planas, i cili është zotuar të mbrojë në Bruksel lehtësimin e Politikës së Përbashkët Bujqësore dhe të përmirësojë ligjin e zinxhirit ushqimor të Spanjës në mënyrë që fermerët të mos shesin prodhimet e tyre me humbje.
Komisioni Europian javët e fundit ka bërë lëshime për fermerët që kanë protestuar në shumë vende të Europës përpara zgjedhjeve europiane të qershorit.
/abcnews.al
