Phil Foden vazhdon të djegë fazat e pjekurisë dhe rritjes në cilësi. Nëse në fillim të këtij sezoni ai ishte ende një yll në ndërtim, deri në fund të sezonit do të jetë vendosur si një nga lojtarët më të mirë në Evropë.
Dy ndeshjet e tij të shkëlqyera kundër PSG në gjysmëfinalet e Champions League e kanë ndriçuar 20-vjeçarin dhe kanë entuziazmuar Anglinë për Euro 2020.
Rio Ferdinand madje ka shkuar një hap më tej dhe e ka emëruar Foden lojtarin më të mirë të ri në planet, duke përfshirë një mesazh për Erling Haaland.
“Për momentin, unë do të thosha se Phil Foden është i riu më i mirë në botë për shkak të formës së tij aktuale të momentit. Haaland ende nuk ka luajtur në këtë nivel. Për sa i përket momentit, Foden është më i miri.
City po bën gjëra fantastike. Nuk jam një tifoz i tyre, por më pëlqen t’i shikoj ata duke luajtur futboll. Mahrez, Sterling, De Bruyne, Silva, Gundogan janë të jashtëzakonshëm. Luajnë futboll me një rrjedhshmëri të madhe”, u shpreh Ferdinand. /abcnews.al
