Sipas rregullatorëve amerikanë, mjalti juaj mund të përmbajë ilaçe për mosfunksionimin erektil te meshkuj.
Administrata e Ushqimit dhe Barnave paralajmëroi katër kompani pasi testimi laboratorik zbuloi se mjalti dhe produktet e tyre me bazë mjalti përmbanin Cialis dhe Viagra, ilaçe të përdorura për të trajtuar mosfunksionimin erektil te meshkujt.
Cialis dhe Viagra janë medikamente me recetë që synohen të merren nën mbikëqyrjen e mjekut. Ilaçet mund të bëhen të rrezikshme nëse përzihen me medikamente të tjera, tha FDA, gjë që mund të rezultojë në nivele të rrezikshme të presionit të gjakut, shkruan Abcnews.al.
Disa kompani pretenduan se mjalti dhe produktet me bazë mjalti që përmbanin Cialis dhe Viagra mund të nxisin përmirësimin seksual. Konsumatorët i blenë këto produkte në faqet e internetit dhe tregjet online, dhe ndoshta në dyqanet me pakicë, sipas FDA, shkruan Insider.
Agjencia kohët e fundit u tha konsumatorëve që të mos blejnë suplemente me përmbajtje barnash të palistuara dhe potencialisht të rrezikshme. /Abcnews.al/
