Ipko Superliga e Kosovës ende nuk ka përfunduar, por sot është hedhur shorti për fazën paraeliminatore të Champions League. Kampionia e Dardanisë do të marrë pjesë në këtë fazë dhe do të përballet me ekipin kampion të Andorrës, në gjysmëfinale.
Në finalen, kampionia e Kosovës gjen fituesin e çiftit tjetër, ku ndeshen kampionia e San Marinos me kampionen e Irlandës së Veriut. Më 3 gusht do të konfirmohen klubet pjesëmarrëse në këtë fazë të Champions League.
Ndeshjet gjysmëfinale do të zhvillohen më 8 gusht, kurse finalja më 11 gusht. Të gjitha ndeshjet do të luhen në fushë asnjanëse, në Nyon të Zvicrës. /abcnews.al
