Jose Mourinho po bën thuajse një vit që është larguar nga bota e futbollit, që kur Manchester United e shkarkoi në muajin dhjetor të vitit të shkuar. Që nga ajo periudhë, strategu portugez ka pasur shumë oferta, nga të gjitha kampionatet e Europës.
Borussia Dortmund, Lyon dhe Real Madrid ishin disa nga skuadrat e interesuara për shërbimet e trajnerit 56-vjeçar, po Jose vendosi të presë ofertën e duhur, pasi dëshiron të mbetet në Premier League. Dëshira e portugezit, duket se do të plotësohet. Ekipi i Arsenalit nuk po kalon një moment të mirë dhe trajneri Unai Emery është shumë pranë largimit.
Përveç rezultateve negative, Emery ka probleme edhe brenda dhomave të zhveshjes me disa lojtarë, më së fundi Granit Xhakën. Në Angli, Mourinho po kuotohet si favoriti për të marrë drejtimin e “Topçinjve”, duke lënë pas emra si Allegri dhe Patrick Vieira./abcnews.al
