Një miliarder që prej vitesh supozohej i vdekur mund të jetojë fshehurazi në Moskë me dashnoren e tij, raporton New York Post, duke cituar prova të reja.
Karl Erivan Haub, pronar dhe CEO i Tengelmann Group u zhduk më 7 prill 2018 teksa po bënte ski në Alpe. Kërkimet e shumta për biznesmenin 58-vjeçar rezultuan të pasuksesshme dhe përfunduan pas gjashtë ditësh.
Në vitin 2021, biznesmeni i lindur në SHBA me prindër gjermanë u deklarua zyrtarisht i vdekur nga një gjykatë në Gjermani.
Sidoqoftë, kohët e fundit, Prokuroria në Këln urdhëroi një hetim mbi pretendimet se vëllai i Haub, Christian, kishte dhënë dëshmi të rreme në gjykatë në vitin 2021 se ai nuk kishte prova të besueshme se vëllai i tij ishte gjallë.
Hetimi vjen pas një ankese të paraqitur nga gazetarët e kanalit RT , të cilët raportuan për zhdukjen e Haub.
Njëra prej tyre, gazetarja investigative Liv Von Boetticher, tha për revistën Capital se ajo di për foto që supozohet se tregojnë Haub në Moskë në vitin 2021, në të njëjtin vit që biznesmeni u shpall i vdekur.
“Me sa di unë, këto foto janë marrë nga llogari të Christian Haub dhe dy hetuesve që punonin për të nga një kompani izraelito-amerikane”, shpjegoi gazetarja.
Përqindja e ngjashmërisë midis Haub dhe personit që shfaqet në foto ishte rreth 90%, sipas një raporti në revistën Stern.
Boetticher thotë se, bazuar në informacionin e saj, Christian Haub kishte akses në fotot kur ai dëshmoi nën betim në një gjykatë të Këlnit në maj 2021 se ai nuk di asnjë provë të besueshme që vëllai i tij është gjallë.
Sipas saj ka indikacione të forta se Karl Etivan Haub e ka inskenuar zhdukjen e tij në Alpe, ndoshta me dijeninë e familjarëve të tij, të cilët kanë bërë gabim duke dëshmuar rrejshëm në gjykatë dhe duke fshehur të vërtetën nga publiku.
Megjithatë, sipas Boettiher, ka prova që Haub mund të ketë qenë i lidhur me një grua më të re në Rusi.
“But now an investigative journalist with German broadcaster RTL claims Haub has been identified with facial recognition cameras in Moscow, where he is believed to be living with Veronika Ermilova – a Russian woman 20 years his junior suspected of being a spy.” pic.twitter.com/EoEK0FsrLS
— artisbrutal2021 (@artisbrutal2021) April 17, 2024
“Ka pasur thashetheme për një dashnore të Karl Erivanit me të cilin ai komunikonte shpesh me telefon para zhdukjes së tij dhe që ka kontakte me Shërbimin Federal të Sigurisë të Federatës Ruse FSB,” shpjegon Boetticher. Sipas Times, 58-vjeçari kishte telefonuar 13 herë Veronika Ermilova 3 ditë para se të zhdukej.
Thashethemet për Haub dhe lidhjen e tij të dyshuar jashtëmartesore me Ermilovën kanë qarkulluar që nga viti 2020, kur gruaja e tij Catherine u konfliktua hapur me kunetërit e saj nëse burri i saj nuk duhet të deklarohej zyrtarisht i vdekur.
Kishte gjithashtu zëra se miliarderi kishte një pasaportë ruse përveç asaj amerikane dhe gjermane, dhe se ai kishte shpenzuar miliona euro përmes kompanisë së tij në Rusi midis 2010 dhe 2015.
Haub u zhduk vetëm një muaj pas vdekjes së babait të tij, Erivan Haub. Botticher, megjithatë, duket se beson se arsyeja që ajo inskenoi vdekjen e tij mund të lidhet me aktivitetet e biznesit të familjes.
“Ne dyshojmë se marrëdhëniet me Rusinë ose bashkëpunëtorët rusë mund ta kenë futur Karl Erivanin në telashe në botën perëndimore,”tha gazetarja.
/abcnews.al
