Loading ...
Nga Xhensila Kodra
Eva Dumani, emri i së cilës u lakua një vit më parë, pasi nuk pranoi të dilte nga kampi sirian, për herë të dytë refuzoi të kthehej në tokën shqiptare me 19 shqiptarët e tjerë.
Në tetor të vitit të shkuar, Eva mbeti në kampin Al Hol, ndërsa vëllai i saj Endri Dumani, 11 vjeç ishte mes 5 shqiptarëve që u riatdhesuan.
Në atë operacion u shpëtuan nga kampi sirian edhe Floresha Rasha me 3 fëmijët, Amar, Emel dhe Hatixhe Rasha.
Ndërsa një vit me herët në nëntor të 2019-ës, Forcat e Antiterrorit mundën të nxirrnin nga kampi Al Holit, 11 vjeçarin Alvin Berisha, i cili kishte mbetur aty i vetëm pas vrasjes së nënës së tij, e cila e kishte marre drejt Sirisë.
Në kampet famëkeqe të ISIS ku janë strehuar rreth 60 mijë gra e fëmijë, mes tyre edhe shqiptarë.
Ata iu bashkuan shtetit Islamik dhe grupeve të tjera që luftonin në Siri dhe Irak në fillim të viteve 2010.
Shumë ndër ta u vranë dhe gratë e fëmijët e tyre kanë mbetur të ngujuar në kampet siriane.
Autoritetet shqiptare kanë të dhëna për rreth 30 persona që qëndrojnë në to, një pjesë e të cilëve mbahen peng.
Kjo, pasi në ato kampe janë strehuar edhe familjarë të pjesëtarëve të ISIS.
Brenda në kampin e Al-Holit, shumë prej grave të anëtarëve të ISIS i qëndrojnë besnik praktikave të grupit militant.
/abcnews.al/
