Nga Alasdair Sandford, euronews
Shumica në katër vendet më të mëdha të Bashkimit Europian mendojnë se pas daljes së Britanisë nga BE marrëdhëniet midis politikanëve të BE-së dhe Mbretërisë së Bashkuar nuk janë më si më përpara. Ata mendojnë gjithashtu se BE dëshiron të ndëshkojë Mbretërinë e Bashkuar për largimin.
Sondazh i euronews tregon marrëdhëniet e tensionuara midis të dy palëve – pavarësisht marrëveshjeve mbi kushtet e largimit të MB në janar 2020, mbi tregtinë dhe lidhjeve të tjera me Mbretërinë e Bashkuar si një vend jo-anëtar .
Ata gjithashtu sugjerojnë që shumica e njerëzve besojnë se BE-ja nuk është as më mirë dhe as më keq pa Britaninë e Madhe si anëtare. Vetëm një në shtatë persona mendojnë se BE-ja është më mirë pa MB, raporton abcnews.al
Që kur Britania zyrtarizoi largimin BE në fillim të këtij viti, Londra dhe Brukseli kanë pasur mosmarrëveshje për zbatimin e rregullave të reja tregtare për Irlandën e Veriut dhe ndikimin që ato do të kenë në një marrëveshje historike të paqes.
Vendet gjithashtu kanë pasur përplasje për të drejtat e peshkimit, eksportet e vaksinave dhe përfaqësimin diplomatik. Njerëzit në Francë, Gjermani, Itali dhe Spanjë u pyetën nëse ata mendonin se sjellja e politikanëve britanikë ndaj BE-së dhe anëtarëve të saj kishte ndryshuar ose jo pas Brexit.
Në të katër kombet, shumica thanë se sjellja e BE-së ndaj Britanisë kishte ndryshuar: 51% në Spanjë, 43% në Itali, 39% në Gjermani dhe 37% në Francë.
Politikanët dhe negociatorët britanikë kanë argumentuar se BE-ja nuk dëshiron të bëjë kompromis në lidhje me Protokollin e Irlandës së Veriut: marrëveshja e detyrueshme e Brexit e cila krijon pengesa tregtare në Mbretërinë e Bashkuar përtej Detit të Irlandës në mënyrë që të mbajë një kufi të hapur tokësor me Republikën Irlandeze, një anëtare e BE-së.
Konflikti u përshkallëzua edhe më shumë mbi kontrollet në eksportin e mishit që vijnë nga nga Britania për në Irlandën e Veriut. Në një artikull për Financial Times në fillim të këtij muaji, ministri i Brexit David Frost akuzoi BE për “purizëm ligjor” dhe për përpjekjen për të imponuar rregullat e saj.
Udhëheqësi i ri i partisë më të madhe të Irlandës së Veriut, Edwin Poots i DUP, tha se BE po e trajtonte rajonin si një “lojë”. Londra ka pretenduar se Emmanuel Macron ka bërë komente “ofenduese” duke sugjeruar se Irlanda e Veriut nuk ishte pjesë e Mbretërisë së Bashkuar.
Udhëheqësit e BE-së kanë përsëritur në mënyrë të vazhdueshme se ata janë të hapur për zgjidhje pragmatike në lidhje me Irlandën e Veriut ndërsa nga MB kërkojnë të respektojë marrëveshjen që nënshkroi, raporton abcnews.al
Por sipas sondazhit shumë europianë besojnë se politikanët e BE-së nuk janë treguar shumë të sjellshëm që nga Brexit. Sondazhi zbulon se tre nga katër vende, një numër më i madh i njerëzve (44% në Spanjë, 43% në Itali, 39% në Gjermani) mendojnë se sjellja e BE-së dhe politikanëve europianë ka ndryshuar ndaj MB, në krahasim me ata që mendojnë se qëndrimi i tyre ose nuk ka ndryshuar ose është bërë më i afërt.
Disa prej njoftimeve nga udhëheqësit e BE-së mbi ngërçin e Irlandës së Veriut kanë qenë të qarta, megjithëse të sjellshme. Negociatori i lartë i Komisionit Maros Sefcovic tha se durimi i BE-së me MB po mbaronte.
Paraardhësi i tij Michel Barnier tha javën e kaluar Britania e Madhe kishte nevojë t’i “kushtonte vëmendje reputacionit të saj” dhe i bëri thirrje Johnson të “respektojë marrëveshjen”.
Presidenti Macron i tha kryeministrit të MB, të mbante fjalën e tij. Presidentja e Komisionit të BE Ursula von der Leyen tha për Euronees se donte që britanikët ” të bënin punën e tyre dhe të zbatonin atë për të cilën kemi rënë dakord”.
Sipas sondazhit, shumica nga katër vendet e BE-së janë dakord me deklaratën se : “Bashkimi Europian dëshiron të ndëshkojë Mbretërinë e Bashkuar për largimin”.
Në tre kombe, më shumë njerëz (në Itali 35%, Spanjë 34%, Francë 33%) menduan të njëjtën gjë. Vetëm në Gjermani pjesa më e madhe mendonte të kundërtën.(32% krahasuar me 30%), raporton abcnews.al
Sefcovic ka kërcënuar se do të hakmerret nëse Londra prish marrëveshjen e detyrueshme pas Brexit për të cilën ka rënë dakord. Von der Leyen gjithashtu ka thënë se BE do të përdorë të gjitha mënyrat për zgjidhjen e mosmarrëveshjeve, aty ku është e nevojshme”.
Sidoqoftë, udhëheqësit e BE-së argumentojnë se masa të tilla do të përdoren vetëm për të ndëshkuar Mbretërinë e Bashkuar për shkeljen e kushteve të një traktati të detyrueshëm ndërkombëtar.
Sipas sondazhit, shumica e europianëve mendojnë se BE-ja dëshiron të ndëshkojë në Mbretërinë e Bashkuar për guximin që mori duke u larguar nga blloku. Përktheu Sonila Backa-abcnews.al
