Kanë përfunduar edhe 10-të sfidat e fundit të vlefshme për xhiron e 5-t të fazës ligë së UEFA Europa League, ku ndryshe nga herët e tjera asnjë prej favoritëve nuk ka zhgënjyer duke arritur fitore tejet të mëdha.
Kështu, “Djajtë e Kuq” të Manchester United kanë mundur me rezultatin e ngushtë, 3-2 norvegjezët e Bodo/Glimt, ku padyshim heroi në fitoren e parë të Ruben Amorim në “Old Trafford’ ishte “bomberi” danez, Rasmus Hojlund, i cili realizoi dopietën personale, si dhe asistoi një gol të Garnacho, ndërsa për miqtë rrugën e rrjetës e gjetën Evjen e Zinckernagel.
Fitore të mëdha arritën edhe Frankfurt e Rangers, me “Shqiponjat” gjermane që fituan 2-1 ndaj Midtjylland, ku sërish “ylli” më i shndritshëm ishte Omar Marmoush, me 1 gol të shënuar e 1 asist për Hugo Larson, ndërsa skocezët e Nedim Bajramit fituan 4-1 në transfertën e Nice falë golave të Cerny e Diomande, si dhe dopietës së Igamane.
Ndërkaq, në sfida të tjera, Roma barazoi 2-2 me Tottenham, FCSB barazoi pa gola, 0-0, me Olympiacos, Fenerbahce fitoi 2-1 transfertën e Slavia Prague, Real Sociedad mundi 2-0 Ajax, Malmo e Hoffenheim zhgënjyen në transferta duke u mundur 1-0 e 3-0 nga Ferencvaros e Braga, ndërsa Tëente u mund në shtëpi nga belgët e Royal Union. /i.m /abcnews.al
