Loading ...Përfaqësues të kompanive më të njohura në Europë vizituan Tiranën dhe u bashkuan me yje të artit shqiptar dhe njerëz të biznesit, në nder të festimeve të 30-vjetorit të kompanisë EUROLAB Internacional Grup.
Rrugëtimi 30-vjeçar i kompanisë, me themelues Dritan Bellaj, iu prezantua publikut përmes një reportazhi të shkurtër. Fjala e hapjes u mbajt nga administratorja e EUROLAB, Erila Velaj, e cila e ka drejtuar kompaninë që nga viti 2014. Ajo tregoi disa nga arritjet kryesore në menaxhimin e kompanisë duke përfshirë shtrirjen gjeografike në 10 shtete të rajonit Shqipëri, Serbi, Mal i Zi, Slloveni, Kroaci, Maqedoni e Veriut, Kosovë, BiH, Greqi dhe Qipro – bashkëpunimin me kompani ndërkombëtare të listuara në ndër 5 më të mëdha në botë në kategoritë përkatëse, përdorimin e energjisë së gjelbër në zyra, fabrikë dhe automjete, si edhe faktin që EUROLAB ka sot gra dhe vajza mbi 50% e ekipit dhe mbi 50% mbajnë role menaxheriale.
Sipërmarrësi dhe ortaku i vetëm i kompanisë EUROLAB, Dritan Bellaj falënderoi bashkëpunëtorët dhe deklaroi objektivat për vitin 2030. Ai tregoi edhe se si emri
EUROLAB lindi nga ambicia e tij për ta bërë Labërinë, origjinën e tij, të famshme në Europë.
Emocione të veçanta u përjetuan në ndarjen e çmimeve 30 vite Partner, 30 vite Klient dhe 30 vite Punonjës. Mbrëmja u moderua me mjeshtëri nga gazetari Drini Zeqo, në një atmosferë të ndërtuar mbi promovimin e kulturës shqiptare, muzikës dhe ushqimit tradicional shqiptar dhe të ftuarit në 30-vjetorin e EUROLAB shijuan performancat e artistëve Olen Cezari, Juliana Pasha, Grupit Polifonik dhe Ansamblit të Valleve.
Viti 2025 shënoi një tjetër gur kilometrik në historinë e EUROLAB, blerjen e fabrikës Stefani&Co. Në këtë event të rëndësishëm të kompanisë u prezantua edhe etiketa e re birrës Stela me shijen e re.
/abcnews.al/
