Loading ...
Monedha europiane ka regjistruar nivelin më të ulët përgjatë këtij viti kundrejt lekut.
Sipas të dhënave të Bankës së Shqipërisë një euro po këmbehet në pragun e 95 lekëve .
Nëse shohim të dhënat zyratre që nga fillimi i vitit, Euro është zhvlerësuar me 1.5%, ndërsa krahasuar me të njëjtën periudhë të nëj viti më parë rënia e monedhës europiane ka arritur afërsisht në nivelin 3%.
Ky revansh I lekut në këtë periudhë lidhet direkt me ardhjen e turistëve në vend të cilët kanë shtuar ndjeshëm qarkullimin e monedhës europiane në treg.Gjatë periudhës janar-maj Shqiperia ka pritur 3.7 milione vizitorë të huaj duke pësuar një rritje me mbi 8% nëse e krahasojmë me të njëjtën periudhë të një viti më parë.
Leku pritet të mbiçmohet edhe më tepër gjatë muajve të verës .Agjentët e kursit të këmbimit valutor parashikojnë që do të vijoj një tendencë rënëse përtej këtij niveli për shkak të rritjes së prurjeve valutore të lidhura me turizmin..
rënia e Euros vlerësohet se ka dhënë një efekt pozitiv në mbajtjen e nivelit të inflacionit të ulët në vend krahasuar me vendet e tjera.Kjo ka bërë që çmimet të mos pësojë rritje të fortë pavarësisht konflikit në Lindjen e mesme duke qenë se blerja e mallrave realizohet kryesisht me euro dhe sitet në lekë.
Për të mbajtur nën kontroll kursin e këmbimit Banka e Shqipërisë ka rritur sasinë e blerjes së eurove në treg .Nga të dhënat zyrtare rezulton se gjatë vitit të kaluar Banka Qendrore ka tërhequr nga tregu 1 miliard e 27 milionë euro .
kjo sasi e monedhës europiane është tërhequr për efekte të rezervës valutore por edhe në funksion të qëllimit për të frenuar forcimin e kursit të këmbimit të Lekut dhe është rritur me 10% krahasuar me një vit më parë.
Ndërkohë që për vitin 2026 Banka e Shqipërisë parashikon të shtojë blerjet e planifikuara të euros krahasuar me vitin 2025 me rreth 100 milion më tepër./abcnews.al
