san siro
Veronik Istrefaj16:22 | 21/03/2020
SI LIDHEN KORONAVIRUSI DHE FUTBOLLI ME BERGAMON DHE MILANON? CFARE NDODHI NE SAN SIRO?
Çfarë bëri që të shpërthente rasti Bergamo dhe rritja eksponenciale e koronavirusit? A kishte lidhje me futbollin? Çfarë kishin të përbashkët Bergamo dhe Milano? Mediat italiane po flasin ditët e fundit për një hipotezë që tani është e pamundur të provohet.
Njerëzit po përmendin një ngjarje të madhe sportive për qytetin dhe më gjerë: San Siro, e mërkurë 19 Shkurt, Champions League. Atalanta 4, Valencia 1 dhe 45 mijë njerëz, 90 përqind e të cilëve u transferuan në të njëjtën kohë nga një zonë e kufizuar, Bergamo dhe krahina e saj. Të gjithë pranë e pranë, në atë stadium. Në forumet e tifozëve të Atalantës mund të lexohet një histori që është në të njëjtën kohë dëshmi e asaj që mund të ketë ndodhur.
Nga San Siro në Mestalla (Mestaja) përmes Covid-19. Nata e San Siros, gëzim i madh, përqafime dhe dolli. Pastaj, që nga dita tjetër, ftohjet e para, dhimbjet, ethet dhe probleme me frymëmarrjen… Shumë raste kanë rezultuar pozitive dhe disa tifozë të ardhur nga Valencia dhe një gazetar. Dhe sot, 35% e stafit të skuadrës spanjolle është e infektuar. Të gjithë heshtin nga fronti i Atalantës, lojtarët dhe teknikët janë në izolim.
Shpërthimi i çështjes Bergamo – me rritjen galopante të infektimit që ndodhi midis 29 shkurtit dhe 3 marsit, ka një përputhje të plotë me kohën e inkubacionit, mesatarisht 10-12 ditë, që lidhen me ndeshjen. Virusi ishte tashmë në San Siro, i cili ishte detonatori. Përhapja e parë, të gjithë e dinë, është Lodigiano: Codogno, Casalpusterlengo, Castiglione. Dhe më 9 shkurt, kampionati I kategorisë së pestë në Itali, luan Albino Gandino-Codogno dhe më pas Codogno takohet me një ekip tjetër nga krahina, me Mapello.
Futbolli si emëruesi i zakonshëm, pasioni për Atalantën i shumë lojtarëve të dy skuadrave lokale: një lojtar i Albino-s megjithatë siguron që askush të mos shkonte në stadium, kishte stërvitje atë të mërkurë. Në Mapello kishte disa dyshime, por çështja, në të dyja rastet, është se në të dy grupet nuk pati kriza, asgjë të keqe, në të shumtën ndonjë bezdisje. Nga ana e tij, drejtori i Codogno-s, Marseglia, buzëqesh nëpër dhëmbë.
“Jo vetëm që të gjithë kemi qenë mirë deri tani, por kurrë si këtë vit nuk kemi pasur fare pak të prekur”.
E shëmtuar – dhe e padrejtë – të dyshosh tek ata për përhapjen e këtij virusi. Ekipi, si pjesa tjetër e Italisë e cila është asimptomatike, asnjëherë nuk është kontrolluar. Vetëm katër lojtar jetojnë në territorin që është bërë “zona e kuqe”. Pjesa tjetër jeton jashtë. Pa provë, asgjë nuk është e vërtetueshme. Dyshimet, teoritë rezistojnë ashtu siç reziston Covid-19./abcnews.al
Vladimir Prenga10:56 | 26/02/2020
Coronavirus ka tmerruar italianët. Sot dhe nesër “San Siro” do të jetë një shkretëtirë e vërtetë. Jo vetëm që do të luhet me dyer të mbyllura, por Inter-Ludogorets nuk do të ketë as gazetarë. Është vendosur që ditën e sotme nuk do të ketë as konferenca për shtyp, siç ndodh zakonisht një ditë para ndeshjes.
Gjithashtu mediat nuk do të jenë të pranishme në seancën e fundit stërvitore. Ato do të zhvillohen me dyer të mbyllura dhe kështu gazetarët do të kenë një detyrë të vështirë se si skuadrat do të rreshtohen në fushë. Nuk mbaron me kaq, pasi ka edhe një vendim tjetër.
Gazetarët nuk do të mund ta ndjekin ndeshjen drejtpërdrejt. Në stadium do të jenë vetëm transmetuesit zyrtar dhe fotografët e autorizuar. Pas ndeshjes do të ketë vetëm intervista për prodhuesit e sinjalit, ndërsa gazetarët e shtypit të shkruar do të duhet ta ndjekin gjithçka nga TV. /abcnews.al
Klejdi Kaimi11:21 | 08/02/2020
Ish-ylli i Milanit, Ricardo Kaka, është rikthyer të flasë për ekipin e tij të zemrës. Në një intervistë të fundit, braziliani ka folur për “San Siron”, shokun e tij Ronaldo si dhe për një rikthim të mundshëm te Milani.
“Dëshira ime është që në stadiumin e ri të këtë disa elementë arkitekturorë të “San Siros”. Unë e kuptoj që futbolli është biznes, por ndjenjat nuk mund të ndalohen dhe ai stadium është pjesë e çdo tifozi të Milanit. “Maracana” ka ndryshuar shumë herë, por historia vazhdon të mbetet në të,” tregon 37-vjeçari.
“Ronaldo? Ai është i veçantë. Ka fituar çdo titull të mundshëm, por vazhdon të jetë i motivuar për të vazhduar. Është për t’u duartrokitur. Në vitin e fundit tek Orlando e kisha shumë të vështirë për të marrë një vendim, por mendoj se ishte i duhuri. Nuk jam fare i penduar, pasi mendoj se ishte koha e duhur për t’i dhënë fund”, deklaron Kaka, i cili ka qenë shok skuadre me Cristianon te Real Madrid.
“Milani? Do të jetë gjithmonë në zemrën time. Kam shumë dëshirë të rikthehem një ditë, por jo tani. Do të dëshiroja të punoja me dyshen Boban-Maldini dhe të ndihmoja klubin në çdo gjë, por nuk është momenti për t’u larguar nga Brazili. Gjithsesi derbin e së dielës do ta ndjek me shumë dëshirë, siç kam bërë gjithmonë,” mbyll fituesi i “Topit të Artë” në vitin 2007. /abcnews.al
Klejdi Kaimi13:19 | 12/12/2019
Mitiku ‘San Siro’ do t’i rikthehet dhe një herë si dikur mbrëmjeve të magjishme që të fal vetëm Champions League. Stadiumi në pronësi të Milanit dhe Interit do të mirëpresë më në fund një ndeshje me eliminim direkt pas 5 vitesh mungesë. Që nga viti 2014, Milani dhe Interi kanë dështuar që të arrijnë në këtë fazë të kompeticionit prestigjioz.
Tashmë duket se këtij ‘makthi’ i ka ardhur fundi, por në fushën e lojës nuk do të jetë asnjëra nga dy ekipet e Milanos. Rekordi negativ i ‘San Siros’ do të thyhet nga Atalanta, që arriti mbrëmjen e djeshme kualifikimin për herë të parë në histori. Bergamaskët e mbyllën grupin në vendin e dytë vetëm në ndeshjen e fundit, kur mposhten Shahktar Donetsk në Ukrainë.
Atalantës i duhet të luajë diku tjetër, pasi stadiumi i tyre ‘Atleti Azzurri d’Italia’ nuk i plotëson kushtet e UEFA-s. Drejtuesit e klubit kanë rënë dakord që në verë për t’i zhvilluar aty ndeshjet, duke e kthyer ‘San Siron’ shtëpinë e tyre të dytë. /abcnews.al
🔙 San Siro will host a #UCL knockout match for the first time since 2014!#Atalanta 👏 pic.twitter.com/2l4KdolGKq
— Adriano Del Monte (@adriandelmonte) December 11, 2019
Igli Nikolli11:14 | 29/09/2019
Milan-Fiorentina është një nga përballjet më të bukura të ditës së sotme në Serie A. Dueli do të zhvillohet në orën 20:45 dhe të dy ekipet synojnë fitoren.
Kuqezinjtë vijnë nga dy humbjet me Interin dhe Torinon, por tifozët janë gati për t’i dhënë mbështetjen e radhës atyre. Në San Siro do të jenë të pranishëm rreth 50 mijë të pranishëm, ndërsa 700 vetë do të jenë në mbështetje të Ribery me shokë.
Ky është një test i rëndësishëm për Milanin dhe trajnerin Giampaolo. “Djalli” ka konfirmuar besimin kundrejt trajnerit, por ekipi i tij duhet të sigurojë trepikëshin në këtë sfidë, pavarësisht vështirësive përballë një ekipi si Fiorentina. /abcnews.al
Veronik Istrefaj20:40 | 26/09/2019
Shefi ekzekutiv i Interit, Alessandro Antonello, ka konfirmuar që të dyja skuadrat, Interi dhe Milani, janë plotësisht të angazhuara për ndërtimin e një stadiumi të ri dhe nuk kanë ndonjë plan rezervë në rast të ndonjë të papriture.
“San Siro do mbetet San Siro, kjo ideja e dy klubeve është një që propozuam sot. Të dy projektet për një San Siro të ri duhet të shikojnë gjeneratat e reja dhe qytetin, i cili ka risi në ADN-në e tij. Synimi i klubit është të paraqesë të dy projektet për të ardhmen”, tha fillimisht Antonello.
“Sot nënvizuam çështjet kritike që lidhen me ristruktimin e San Siro dhe për këtë arsye, ne nuk mendojmë se është alternativa më e mirë. Nuk ka asnjë plan B për të dy projektet dhe kjo sepse ne besojmë fort te projekti aktual”.
Antonello komentoi edhe suksesin që skuadra e Interit po kalon: “Momenti aktual i Interit është pjesë e strategjisë që filloi me Suning tre vite më parë, strategji e cila sot po jep fryt si në fushë, ashtu edhe jashtë saj. Ardhja e Conte ka ndryshuar gjërat nga një këndvështrim sportiv”, përfundoi Antonello.
Igli Nikolli14:03 | 24/09/2019
Milani dhe Interi po përgatiten për stadiumin e ri modern që do ndërtohet. Dita e enjte është deçizive për projektin fitues. Gara dyshe mes amerikanëve të Populous dhe italianëve të Manica-Cmr pritet të jetë e ashpër.
Të parët kanë publikuar një video projekt, duke zbuluar planin e tyre dhe pamjet e stadiumit të ri. Gjithçka duket e menduar në detaje dhe për më shumë ndiqni videon e mëposhtme.
“Katedralja kundër unazave të dasmës” e cilëson Corriere di Milano krahasimin midis dy modeleve të ndryshme për dizajnin e ri të stadiumit San Siro. /abcnews.al
Veronik Istrefaj22:18 | 21/09/2019
Po luhet derbi i Milanos mes Interit dhe Milanit, me zikaltërit e Antonio Contes që janë në avantazh falë golit të Brozoviç (49’). Ky gol ka ndezur tifozerinë zikaltër, të cilët kanë festuar si të çmendur në “San Siro”, por ka zgjuar dhe tifozët e Milanit, të cilët po brohorasin për të përkrahur skuadrën e tyre. Video e siguruar nga ABC News tregon atmosferën fantastike në “San Siro” në këto momente./abcnews.al
ad min22:49 | 27/06/2019
Plot 40 mijë tifozë janë abonuar për të ndjekur Interin nga shkallët e “San Siro” në sezonin e ardhshëm. Klubi italian njofton se ka nxjerrë në shitje edhe biletat për sezonin pasardhës.
Zyrtarizimi i trajnerit Antonio Conte me skuadrën e Interit ka entuziazmuar tifozët zikaltër. Pritshmëritë janë të mëdha për Interin e sezonin të ardhshëm ku skuadra pritet të konkurrojë me Juventusin për titullin kampion.
Skuadra zikaltër njofton se janë shitur plot 40 mijë abonime për sezonin 2019-2020. Një shifër rekord në futbollin italian, por ajo që e bën akoma më interesante është se për herë të parë, skuadra e Interit ka nxjerrë në shitje edhe abonimet për sezonin 2020-2021.
Një tregues i qartë se fansat zikaltër janë të bindur se epoka e re nën drejtimin e trajnerit Konte do të jetë e suksesshme. Sezonin e kaluar skuadrën e Interit e ndoqën nga shkallët e stadiumit San Siro rreth 1.1 milionë tifozë, ndërkohë që në sezonin e ardhshëm ky numër do të kalohet lehtësisht.
Drejtuesit e skuadrës zikaltër po përpiqen të rikthejnë skuadrën në majat më të larta të futbollit italian, por jo vetëm. E natyrisht që entuziazmi është i madh ne radhët e fansave të cilët nuk shijojnë një trofe që prej vitit 2011./ABC News Albania 24/7
ad min14:00 | 03/05/2019
Juventus-Torino është ndeshja hapëse e javës së 35 në kampionatin italian. Sfida delikate për Inter, Romën dhe Milanin që duan sigurimin e Championsit.
Derbi Juventus-Torino është ndeshja hapëse e javës së 35 në Serie A. Bardhezinjtë e kanë siguruar matematikisht titullin kampion dhe ndaj Torinos do të luhet vetëm për statistika.
Në kampin e Juventusit përqendrimi është maksimal pasi derbi ka një rëndësi të veçante. Trajneri i “Zonjës se Vjetër”, Masimiliano Allegri, pritet të përdorë skemën 4-3-3 me Ronaldon, Bernardeschi-n dhe Kean në sulm.
Portugezi ka realizuar 20 gola në këtë sezon me bardhezinjtë dhe qëllimi kryesor i pesë herë fituesit të Topit të Artë është të shpallet golashënues në kampionatin italian ndaj dhe në Torino kanë një arsye të fortë për t’u frikësuar.
Ekipi Granada po zhvillon një sezon të shkëlqyer pasi ndodhet në vendin e gjashtë në klasifikim, ndërkohë që vijnë në këtë përballje pas fitores ndaj Milanit. Torino ka humbur vetëm një ndeshje në 14 sfidat e fundit.
Interi do të luajë në transfertën e Udinese-s. Ekipi friulian ende nuk e ka siguruar mbijetesën dhe për zikaltërit parashikohet një duel i vështirë. Inter renditet në vendin e tretë dhe kualifikimi në Champions është një objektv i realizueshëm ndaj dhe barazimi lejohet për skuadrën e Spalletit.
Ndeshje delikate dhe për Romën që do të luajë në fushën e Genoa-s. Verdhekuqtë janë rikthyer në një formë mjaft të mirë dhe vetëm një pikë e ndan nga vendi i katërt që është synimi kryesor i skuadrës së trajnerit Ranieri. Napoli do të presë në shtëpi skuadrën e Cagliari-t. Një sfidë e lehtë në letër për të besuarit e trajnerit Carlo Anceloti që luajnë sa për statistika.
Milan-Bolonja do të zhvillohet të hënën në San Siro. Kualifikimi i kuqezinjve në Champions sa vjen e vështirësohet ndaj dhe në shtepinë e Milanit, fitorja është detyrim të hënën në mbrëmje. Ne të kundërt objektivi Champions do të cilësohej një kapitull i mbyllur./ABC News albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
