dogana

kufiri-morine.jpg
nev ila11:54 | 10/03/2020

Kuksianët nuk kanë frikë nga Koronavirusi, pas rasteve të konfirmuara në Shqipëri ,ata thonë që kemi kaluar edhe epidemi të tjera pa asnjë problem, ka nga ata që thonë se kuksianët nuk preken nga epidemitë sepse mbrohen duke pirë Raki, pasi në Kukës alkooli konsumohet shumë.

Ndërkohë në farmacitë e qytetit nuk ka maska mbrojtëse, ndonëse edhe interesimi i qytetarëve nuk është i madh.

Ndërsa në pikat kufitare të Qarkut  Kukës vijojnë kontrollet shëndetësore për Covid 19, drejtori i Kufirit dhe Emigracionit Zija Sula shprehet për mungesë të maskave dhe masave të tjera mbrojtëse.

Sipas tij  në tre doganat e qarkut Kukës, punonjësit e e Kufirit nuk kanë maska mbrojtëse për veç disa punonjësve që i kanë blerë vetë.

Sula gjatë një takimi të zhvilluar nga prefekti Kukës me strukturat e shëndetësisë për mbrojtjen e Covid 19 kërkoi pajisjet e punonjësve të policisë Kufitare me masa mbrojtëse mjekësore.

Problematikë tjetër është edhe dizinfektimi i ambienteve në doganë ku deri tani në doganën e Morinit nuk është bërë.

Sipas Sules ky proces është bërë nga pala kosovare vetëm në dy doganat e përbashkëta të Qafë Morinës dhe Qafë Prushit./abcnews.al

gjon-bardhi.jpg
nev ila17:45 | 06/03/2020

Një ngarkesë prej 892 mijë paketa cigare janë kapur në Hanin e Hotit në Shkodër.

Në një komunikim për median Drejtori i Përgjithshëm i Doganave, Gjon Bardhi, tha se e gjithë kjo ngarkesë ishte e pa pajisur me pullë fiskale, dhe se nëse do të hidhej në treg vlera doganore që i duhej paguar shtetit, kapte shifrën e 1.1 milion eurove.

Bardhi theksoi se kohët e fundit, administrata doganore, ka sekuestruar edhe ngarkesa të tjera të mallrave që paguajnë akcizë.

 “Pas një analize rrisku, të arsyeshme mbi dokumentacionin e paraqitur nga ky kamion, strukturat ë drejtorisë së përgjithshme të doganave ushtruan kontrollin në kamionin me këtë ngarkesë.

Paketat e cigareve ishin të llojit slims. E gjithë kjo ngarkesë ishte e pa pajisur me pullë fiskale hqiptare apo të ndonjë shteti tjetër. Nëse ky mall do të hidhej në treg, vlera e detyrimeve doganore që duhet të paguhej kap shifrën e 140 milion lekëve ose përafërsisht 1.1 milion euro.

E gjithë sasia e sekuestruar dhe rasti u referua në prokurorinë pranë gjykatës së shkallës së parë Shkodër për veprën penale Kontrabandë me mallra që nuk paguajnë akzizë.

Në bashkëpunim me prokurorinë e Gjykatës së shkallë së parë Shkodër po kryen veprime të mëtejshme hetimore. Ky nuk është rasti i parë që kohëtr e fundit administrata doganore sekuestron dhe kap mallra kontrabandë, sidomos për mallra që paguajnë akcizë.

Strukturat e administartës doganore do të vazhdojnë në vazhdimësi të angazhhuara plotësisht për zbatim të planeve apo detyrave funksionale që ka cdo degë doganore. Objektivi ynë është lufta ndaj paligjshmërisë duke synuar krijimin e një klime sa më të favorshme për të zhvilluar biznes në funksion të konkurrencës së ndershme dhe barazisë përpara ligjit”, deklaroi Bardhi. /abcnews.al

kornavirus.png
R D17:30 | 24/02/2020

Edhe pse u lajmërua se në të gjitha pikat doganore ka kontrolle ndaj koroavisusit, në Kakavijë rezulton se mjekët mungojnë. Abc News ka kryer një vezhgim çdo pikë doganore tokësore, duke intervistuar mjekë dhe udhëtarë. 

Korespondenti i Abc News në Gjirokastër, Orgest Sako raporton se në pikën e kalimit të kufirit të Kakavijës është ngritur një pikë kontrolli, por nuk ka asnjë mjek.

Sakaq, udhëtarët e mbërritur në pikën tjetër doganore me Greqinë, në Kapshticë tregojnë se nuk janë kontrolluar në dalje nga autoritetet greke,  ndërsa në Shqipëri i kanë kontrolluar për temperaturën. Gazetarja Lediona Xheladinaj raporton se të gjihë udhëtarët po kontrollohen me termometer me lazer në Kapshtice. Edhe në pikën kufitare të Qafë Botës po kryhen kontrolle.

Po kështu në veri në doganën e Muriqanit po ushtrohen kontrolle. Mjekja Dhurata Hysa shprehet se “Në periudhën e inkubacionit pacienti nuk ka asnjë shenjë. Rrezikshmëria qendron por duhen ushtruar kontrolle për të parë nëse udhëtarët vijnë nga zonat e vatrës”. Gazetari Simon Shkreli raporton se autobusi që vjen nga Milano nuk është kontrolluar në shtetet e tjera ku ka kaluar, ndërsa pasagjerët po kontrollohen në doganën shqiptare.

Edhe në në Qafë-Prush në Tropojë, çdo udhëtar pasi mbërrin në doganë kontrollohet nga mjekët.

Që kur OBSH e shpalli emergjencë kombëtare për përhapjen e korona virusit nëpër botë, edhe shqiprëia ka shtuar vigjincës në porte, aeroprt dhe dogana. Deri më tani nuk ka asnjë rast të konfirmuar në vendin tonë. /abcnews.al

 

vidoe.jpg
in a17:56 | 30/12/2019

Të gjitha ata që do të duan të udhëtojnë drejt jugut të vendit, prej datës 3 janar 2020 do të kenë një tjetër pikënisje të udhëtimit të tyre, nga “Shqiponja” tek Kthesa e Kamzës.

Bashkia e Tiranës e mori vendimin pasi në janar pritet të rinisin punimet për nënkalimin e rrethrrotullimit të sheshit “Shqiponja”.

Deri më tani terminali pranë rrethrrotullimit të Shqiponjës shërbente si terminali i transportit ndërqytetas të zonës së jugut, por në janar 2020 do të spostohet. Punimet për terminalin e ri të jugut duket se po ecin me ritme të shpejta siç shihet dhe nga pamjet e fiksuara nga kamera e “ABC News”.

Shkakun e zhvendosjes së këtij terminali pranë zonës së njohur si Kthesa e Kamzës e shpjegoi kryebashkiaku i Tiranës, Erion Veliaj para pak ditësh.

“Pas festave të gjithë autobuzët ndërqytetas që qëndrojnë te terminali te ish – dogana do të kalojnë rrugën në anën tjetër dhe terminali do të zhvendoset te kthesa e Kamzës”, tha Veliaj.

Pas pezullimit të punimeve për Unazën e Madhe të kryeqytetit, në janar pritet që këto punime të rinisin për nënkalimin pranë sheshit “Shqiponja” dhe terminali aktual i jugut të shërbejë si kantier ndërtimi./abcnews.al

dogana-1.jpg
in a10:00 | 08/12/2019

Policia e Korçës ka finalizuar operacionin antikontrabandë i koduar “Gorica”.

Në pranga ka përfuanduar 1 doganier, 3 punonjës të Policisë Kufitare, 1 shtetas, si dhe janë shpallur në kërkim 7 të tjerë.

Personat e arrestuar akuzohen për disa vepra penale, si: “Kontrabandë me mallra të ndaluar”, “Kontrabanda me mallra të tjera”, “Kontrabanda nga punonjës që lidhen me veprimtarinë doganore”, “Falsifikimi i vulave, i stampave ose i formularëve”, “Korrupsioni aktiv i personave që ushtrojnë funksione publike”, “Shpërdorimi i detyrës”, thuhet në njoftimin  e policisë.

 

Njoftimi i policisë:

Korçë

Finalizohet operacioni antikontrabandë i koduar “Gorica”.

Operacioni nga DVP-Korçë në bashkëpunim me Sektorin e SHÇBA.

Arrestohen në flagrancë 5 shtetas nga të cilët 1 doganier, 3 punonjës të Policisë Kufitare, 1 shtetas, si edhe shpallen në kërkim 7 të tjerë.

Sekuestrohet sasi e konsiderueshme mallrash të dyshuara kontrabandë (konfeksione dhe goma mjetesh të përdorura).

Strukturat e Drejtorisë Vendore të Policisë Korçë, në bashkëpunim me Sektorin e Shërbimit për Çështjet e Brendshme dhe Ankesat (SHÇBA) në Korçë, finalizuan me sukses operacionin policor të koduar “Gorica”, për goditjen e veprimtarisë së paligjshme të kontrabandimit me konfeksione dhe mallra të ndaluar, si rezultat i të cilit u bë arrestimi në flagrancë i shtetasve:

• Sh.D., 35 vjeç, banues në Korçë, me detyrë doganier pranë Doganës së Goricës.

• Y.Rr., 53 vjeç, banues në Tiranë,  punonjës policie me detyrë përgjegjës turni.

• B.H., 54 vjeç, banues në Korçë, punonjës policie me detyrë kontrollor.

• J.K., 51 vjeç, banues në fshatin Kallamas, Pustec, punonjës policie me detyrë trup shërbimi, pranë Pikës së Kalimit Kufitar Goricë.

• A.H., 58 vjeç, banues në Korçë.

Si edhe u shpallën në kërkim shtetasit:

M.K., 35 vjeç, banues në Bilisht; N.S., 44 vjeç, banues në Liqenas; A.H., 42 vjeç; E.Z., 44 vjeç; A.P., 37 vjeç; Dh.K., 23 vjeç; M.Xh., 35 vjeç, banues në Korçë.

Punonjësi i Doganës (shtetasi Sh.D.,) në bashkëpunim me punonjësit e policisë dhe shtetasit e lartpërmendur, kanë lejuar kalimin e 4 mjeteve tip kamion të ngarkuar me mallra të dyshuara kontrabandë konfeksione dhe goma automjetesh të përdorura, nga Pika e Kalimit Kufitar Goricë në territorin e Republikës së Shqipërisë, duke shmangur detyrimet doganore dhe falsifikuar të dhënat e mjeteve në dokumentacionet e tyre dhe në Sistemin Tims, ku 2 nga këto mjete u gjetën dhe bllokuan në cilësinë e provës materiale.

Po vijon puna për dokumentimin e plotë të ngjarjes, kapjen e personave të shpallur në kërkim, si edhe gjetjen dhe bllokimin e 2 mjeteve të tjera.

Materialet i kaluan Prokurorisë pranë Gjykatës së Shkallës së Parë Korçë për veprat penale “Kontrabandë me mallra të ndaluar”, “Kontrabanda me mallra të tjera”, “Kontrabanda nga punonjës që lidhen me veprimtarinë doganore”, “Falsifikimi i vulave, i stampave ose i formularëve”, “Korrupsioni aktiv i personave që ushtrojnë funksione publike”, “Shpërdorimi i detyrës”./abcnews.al

dogana.jpg
ger ta11:24 | 04/12/2019

Tërmeti që goditi Shqipërinë në 26 nëntor nuk ka kursyer as institucionet shtetërore. Dëmtime e shumta janë konstatuar në godinën e Drejtorisë së Përgjithshme të Doganave, e cila ka pësuar dëmtime të mëdha strukturore. Sipas akt konstatimit të  inspektorëve të Insitutit të Ndërtimit,  kjo godinë  është jashtë funksionit.

Burime bëjnë me dije se bga drejtuesit e këtij institucioni aktualisht janë masat për evaukimin e punonjësve në godina të tjera, çka garanton mirëfunksionimin e punës dhe ofrimin e shërbimeve ndaj qytetarëve dhe biznesit.

Nga DPD është miratuar “Manuali mbi mënyrën e funksionimit të sistemit doganor lidhur me deklarimin, verifikimin, kontrollin dhe çlirimin e mallrave në raste emergjence”. Është kryer transferimi i serverave pranë zyrave të AKSHI-t, si dhe është kryer zhvendosja e sektorëve kyç (VQ dhe SKAO) pranë zyrave të disponueshme në gjendje pune.

Ndërkaq, të gjitha degët doganore kufitare, edhe të brendshme, në çdo moment kanë funksionuar me kapacitete të plota./abcnews.al

dogana-1280x720.jpg
ger ta22:27 | 29/11/2019

Drejtoria e Përgjithshme e Doganave ka hequr tarifën e skanimit për çdo mjet që sjell ndihma humanitare për të prekurit nga tërmeti shkatërrues i 26 Nëntorit.

Lajmin e ka bërë me dije DPD me anë të një njoftimi shpërndarë për mediat.

Drejtoria e Përgjithshme e Doganave që nga sot ka hequr tarifën e skanimit për çdo mjet që sjell ndihma humanitare për të prekurit nga tërmeti shkatërrues i 26 Nëntorit.

DPD në bashkëpunim me kompaninë S2 Albania, ka mundësuar nga sot në sistem mospagimin e kësaj tarife për këtë kategori mjetesh, që sjellin ndihma humanitare për një afat 30 ditor.

Kjo nismë u ndërmor në shenjë solidariteti me gjithë të prekurit nga termeti”, thuhet në njoftim./abcnews.al

policiaaaa.jpg
ad min14:41 | 29/10/2019

Rreth 200 forca policie morën pjesë në një operacion blic të zhvilluar paraditen e sotme në ambientet e doganës së Tiranës. Për kontrollin e territorit, krahas punonjësve të Policisë, u përdorën drone dhe qen antidrogë.

Pas kontrolleve blic në Portin e Detar të Durrësit, në sitë të Forcave të Ndërhyrjes së Shpejt kaloi Dogana e Tiranës. Këto janë pamje nga kontrolli i zhvilluar në ambientet e brendshme dhe të jashtme të doganës.

Rreth 200 forca policie morën pjesë paraditen e martës, ku krahas kontrollit të punonjësve të administratës u përdorën nga uniformat blu edhe drone e qen antidrogë.  Operacioni u ndoq nga afër nga kreu i Policisë së Tiranës, Rebani Jaupaj dhe Gjovalin Loka, përgjegjës për rendin dhe sigurinë në Policinë e Shtetit.

Në skaner të forcave të rendit kaluan 67 kamionë, 23 magazina dhe objekte të ndryshme brenda doganës, 107 automjete dhe rreth 267 persona. Gjatë kontrolleve, u zbulua 1 pistoletë, disa vula të dyshuara si të falsifikuara e sende të tjera të kundërligjshme.

Forcat Lëvizëse Operacionale shoqëruan 7 persona por nuk specifikohet për çfarë vepre penale akuzohen. Ky operacion u krye në zbatimi të planit të masave nga policia e Shtetit për kontrollin e të gjitha pikave të kalimit kufitar, porteve e aeroportit, doganave dhe çdo objekti të rëndësisë së veçantë.

Më herët, një kontroll i tillë u krye në qytetin e Durrësit dhe te Vlorës, ku u shoqëruan disa persona që i fshiheshin drejtësisë./ABC News Albania

pamje102.jpg
Autor E17:25 | 09/10/2019

Mediat serbe e kanë publikuar një video ku shihet drejtori i përgjithshëm i Crvena Zvezdas, Zvezdan Terzic teksa kthehet mbrapa nga një polic i Kosovës në pikën e kufitare në Jarinje.

Crvena Zvezda ishte nisur në drejtim të Kosovës për të tentuar hyrjen brenda territorit tonë për të zhvilluar ndeshjen ndaj klubit ilegal serb, Trepça, në Zveçan, por u kthyen mbrapa nga Policia e Kosovës.

I pari që tentoi të kalonte kufirin mes Serbisë dhe Kosovës ishte drejtori i përgjithshëm i Crvena Zvezdas, Terzic, i cili kaloi pjesën e pikës serbe me lehtësi.

Terzic ishte ai i cili u ofrua tek pika kufitare me veturën e tij të hynte para autobusit, por përgjigja e policisë së Kosovës ishte negative.

Policia e Kosovës ia kërkoi fillimisht dokumentet, pastaj ia kumtoi lajmi se ai e ka te ndaluar hyrjen në Kosovës, me ç’rast u detyrua të kthehet pas.

Faqja serbe Telegraf.rs ka kapur momentin kur polici i Kosovës i thotë Terzicit që nuk mund të kalojë kufirin.

Ai e pyeti për arsyen, ndërsa polici iu përgjigj thjeshtë, se ky është urdhër i Qeverisë së Kosovës.

Në videon e mësipërme mund të ndiqni dialogun mes tyre


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono