UEFA ka publikuar edhe listën e Kukësit, për ndeshjen kundër Slavia Sofia në program për ditën e nesërme prej orës 20:00. Kjo përballje do të zhvillohet në “Air Albania Stadium”. Trajneri Skënder Gega mund të buzëqeshë, pasi afrimet e merkatos janë regjistruar.
Klubi i Kukësit kishte bërë me dije se me Filip Zderic do të përballej në CAS (ende nuk wshtw zhvilluar asnjë gjyq mes palëve), ndërkohë që sipas gjyqit të humbur në FIFA, në rast se borxhi nuk shlyhej për 45 ditë, atëherë merkato për klubin shqiptar do të bllokohej.
Gjasat janë që të ketë një marrëveshje, ose Zderic të jetë shlyer. Gjithsesi nga Kukësi nuk ka asnjë komunikim për këtë çështje, ndërsa vetë futbollisti refuzon të prononcohet. Për të mbetur te lista e Kukësit, bie në sy edhe mungesa e Valon Ethemit, për të cilin verilindorët janë shprehur se e kanë nën kontratë edhe për kupat e Europës. /abcnews.al
LISTA E KUKËSIT NË EUROPA LEAGUE
Portierë: Angjelo Tafas, Dashamir Xhika, Jetmir Basha
Mbrojtës: Redon Dragoshi, Orhun Obanor, Kenan Horic, Kledis Hida, Blerim Kotobelli, Edis Maliki, Bruno Lulaj
Mesfushorë: Enis Gavazaj, Eduart Rroca, Vesel Limaj, Bruno Telushi, Besart Musolli, Emiljano Musta
Sulmues: Albin Gashi, Zenel Gavazaj, Fluturim Domi, Patrick Friday Ezze, Godberg Cooper
