Turqia dëshiron të përmirësojë bashkëpunimin me BRICS dhe pret që samiti i ardhshëm në Kazan t’i japë vrull kësaj sipërmarrjeje, tha presidenti turk Rexhep Tajip Erdogan.
“Ne dëshirojmë sinqerisht të thellojmë bashkëpunimin tonë me BRICS. Unë besoj se samiti në Kazan do të kontribuojë ndjeshëm në këto përpjekje,” u shpreh Erdogan në Ankara.
Erdogan konfirmoi se “me ftesë të presidentit rus Vladimir Putin, nesër do të vizitojë Kazanin për të marrë pjesë në takimin e zgjeruar të liderëve të BRICS“.
“Vendet e BRICS, si Turqia, janë gjithashtu anëtarë të Grupit të Njëzet dhe mbulojnë 30 për qind të territorit të planetit dhe 45 për qind të popullsisë së tij. Ato prodhojnë rreth 40 për qind të naftës në botë, mbulojnë 25 për qind të eksporteve dhe dy të pestat e botës. Këto shifra theksojnë rëndësinë e platformës BRICS”, ka theksuar Erdogan.
Samiti i 16-të i BRICS, ngjarja kryesore e presidencës ruse të kësaj aleance ndërshtetërore, mbahet në Kazan nga 22 deri më 24 tetor.
Grupi BRICS u themelua në vitin 2006 nga Brazili, Rusia, India dhe Kina, dhe Afrika e Jugut iu bashkua në 2011.
Nga 1 janari 2024, Egjipti, Etiopia, Irani, Arabia Saudite dhe Emiratet e Bashkuara Arabe iu bashkuan BRICS si anëtarë të plotë dhe në samitin në Kazan pritet pjesëmarrja e përfaqësuesve të më shumë se 30 vendeve./abcnews.al
