Presidenti i Turqisë, Rexhep Tajip Erdogan i ka thënë presidentit palestinez Mahmud Abbas se Ankaraja do të vazhdojë të mbështesë kauzën palestineze dhe të shtyjë komunitetin ndërkombëtar të rrisë presionin ndaj Izraelit.
Të dy liderët diskutuan zhvillimet e fundit dhe hapat që duhen ndërmarrë për një armëpushim të qëndrueshëm dhe paqe në Gaza, tha zyra e Erdoganit në një postim në X.
Erdogan dënoi luftën e Izraelit në Gaza, duke akuzuar disa vende perëndimore se heshtin dhe vazhdojnë të mbështesin Izraelin.
Abbas do t’i drejtohet nesër një sesioni të jashtëzakonshëm të parlamentit turk.
President @RTErdogan met with President Mahmoud Abbas of Palestine, who is in Türkiye to address the Grand National Assembly of Türkiye (GNAT), at the Presidential Complex. pic.twitter.com/ky80yWAlaQ
— Presidency of the Republic of Türkiye (@trpresidency) August 14, 2024
