Enzo Fernandez vazhdon ta mbajë rekordin si transferimi më i shtrenjtë i Chelsea, pasi londinezët paguan 121 milionë euro për transferimin e tij.
Megjithatë, mesfushori argjentinas ende nuk ka arritur të jetë lojtar kyç te londinezët dhe ai e ka pranuar këtë duke thënë se nuk ndihet si Enzo.
“Po përpiqem të arrij atje, te versioni im që patë në Kupën e Botës. Dua të ndihem si ai Enzo, që po luante në Kupën e Botës . Dua të kthehem atje. Ndihem mirë, duke u përmirësuar çdo ditë, por ende nuk ndihem sikur jam në 100%. Unë jam ende duke u përshtatur dhe ende nuk ndihem plotësisht vetvetja, por po përpiqem të arrij atje sa më shpejtë të jetë e mundur dhe duke punuar shumë çdo ditë për ta bërë këtë”, tha Enzo.
Më pas, mesfushori argjentinas tha se është duke kërkuar atë Enzon e Kupës së Botës, ku shkëlqeu me paraqitjet e tij.
“Nuk do të jetë e lehtë sepse Kupa e Botës ka qenë dhe ka ikur, dhe unë jam ende duke u rritur si lojtar dhe duke zhvilluar aftësitë e mia, por unë jam duke kërkuar për atë Enzo. Dua të ndihem plotësisht vetvetja përsëri”, deklaroi argjentinasi.
Mesfushori ishte një nga lojtarët kryesorë të Argjentinës pasi fituan Kupën e Botës 2022 në Katar. Performanca e tij atje i dha atij një transferim 121 milionë euro te Chelsea./ h.ll/abcnews.al
