Drejtuesja e Kadastrës së Vlorës, Viola Hima, e cila është komanduar në detyrë vetëm pak ditë më parë është dorëhequr.
Nuk dihen arsyet dhe shkaqet për dorëheqjen e të sapokomanduarës.
Jurgen Pilkati do te marre drejtimin e kadastrës së Vlorës.
Prej katër ditësh kompetencat e drejtorit ju kaluan Viola Himës për të mos pezulluar punën e institucionit ndërsa kjo e fundit do të mbajë postin e zv/drejtorit në kadastër.
Nga fillimi i shtatorit, zyra e kadastrës në Vlorë regjistroi një seri të pazakontë largimesh nga puna të drejtuesve të saj.
Brenda pak muajsh, katër drejtues të këtij institucion dhanë dorëheqjen me pretendimin se vendimi i tyre bazohej në arsye personale dhe familjare.
Në 6 vitet e fundit Hipoteka e Vlorës është drejtuar nga:
-Viola Hima emëruar 4 ditë më parë.
-Bilbil Aliaj (shkurt 2020-maj 2020)
-Taulant Canameti (Nentor 2019-shkurt 2020)
-Elona Hodaj, shtator 2019-tetor 2019 (më pak se 1 muaj)
-Alteo Nazëraj, shtator 2019-shtator 2019 (10 ditë)
-Florian Almadhi, maj 2019-shtator 2019 (5 muaj)
-Klodian Troci, korrik 2018–shtator 2019 (në maj qe kaluar nëndrejtor, 1 vit e 2 muaj)
-Sokol Banaj, janar 2018–korrik 2018 (6 muaj)
-Rezart Elmazi, tetor 2015-korrik 2017 (1 vit e 10 muaj)./abcnews.al
