Një 31-vjeçar është arrestuar këtë të shtunë në kuadër të megaoperacionit policor të koduar “Tempulli”.
Gazetari i ABC News, Leonidha Musaj raporton se i arrestuari është shtetasi Aneo Gashi.
Për Gashin, Prokuroria e Shkallës së Parë e Juridiksionit të Përgjithshëm Durrës kishte nxjerrë urdhërin e ndalimit dhe e kishte shpallur në kërkim për veprën penale “Prodhimi dhe shitja e narkotikëve”.
Operacioni për kapjen dhe arrestimin e tij u krye nga specialistët e Seksionit për Hetimin e Narkotikëve të Drejtorisë Vendore të Policisë Durrës./abcnews.al
