Policia greke ka vënë në pranga 3 shtetas shqiptarë dhe ka sekuestruar nje sasi droge dhe një pistoletë.
Në kuadër të një aksioni të Departamentit të Anti-Drogës së Athinës u ushtrua kontroll brenda një apartamenti në katin e parë në rrugën “Ionia” nr. 170 në Alimos të Athinës, ku u sekuestruan 20.2 kg marijuanë e llojit “SKUNK”. Brenda apartamentit policia zbuloi një lavorator të pajisur plotësisht dhe funksional për kultivimin e cannabis hidroponik.
Policia greke ka vënë në pranga brenda apartamentit shtetasit shqiptarë Agim Kasa 42 vjec dhe Pllum Kasa 42 vjec. Nga hetimet rezultoi se ata punonin për llogari të shtetasit tjetër shqiptar, Oresti Metushi 23 vjec. Për këtë policia ka ushtruar kontroll në një apartament në katin e dytë në rrugën “Avlonos” nr.102 në Athinë ku u arrit të kapej dhe arrestohej 23 vjecari. Gjatë kontrollit atij i është sekuestruar edhe një armë zjarri pistoletë e llojit “Ekol Tuna” 8 mm me 11 fishekë të të njëjtit kalibër.
Gjithashtu, gjatë operacionit policia sekuestroi gjithashtu edhe 4 celularë, 1 peshore elektronike e sende të tjera./abcnews.al
