Emigrantët, BE feston marrëveshjen/ Në Mesdhe rekuperohen trupat e 3 fëmijëve

Trupat e tre të miturve, që kishin më pak se një vit e gjysmë, janë rekuperuar nga roja bregdetare e Libisë në brigjet e këtij vendi. Lajmi është bërë  i ditur nga autoritetet libiane përmes një komunikate për shtyp, ku thuhet se të miturit ishin pjesë e një grupi prej më shumë se 100 refugjatësh të nisur drejt Europës, por që konsiderohen të humbur. Ndërkohë, 16 refugjatë të tjerë janë shpëtuar. Njëri prej tyre ka deklaruar se në bord ndodheshin 20 gra dhe 10 fëmijë dhe ka shtuar se mjeti lundrues, një varkë e madhe prej druri, u përmbys për shkak se ishte i vjetër. Ndërkohë, Organizata Ndërkombëtare për Migracionin ka deklaruar se janë rreth 1 mijë personat e mbytur që nga fillimi i vitit në Mesdhe, një rritje e lehtë me atë të regjistruar të njëjtën periudhë të vitit të kaluar, kur viktimat ishin 972. /abcnews.al