Ursula von der Leyen ka propozuar dalim total të importeve të naftës ruse në BE, duke thënë se Vladimir Putin duhej të paguante një çmim të lartë për agresionin e tij brutal në Ukrainë.
Shtetet anëtare në Bruksel po shqyrtojnë një paketë të gjashtë të sanksioneve, por në një fjalim të mërkurën presidentja e Komisionit Evropian tha se rrjedhat ruse të naftës duhej të ndaleshin.
Von der Leyen tha se furnizimi rus i naftës bruto do të ndalohej brenda gjashtë muajve dhe produktet e rafinuara do të ndaloheshin deri në fund të vitit, ndërsa ajo pranoi kërkesat nga vende të tilla si Sllovakia dhe Hungaria për fleksibilitet shtesë.
“Le të jemi të qartë: nuk do të jetë e lehtë”, tha Von der Leyen në një fjalim në Parlamentin Evropian.
“Disa shtete anëtare janë shumë të varura nga nafta ruse. Por ne thjesht duhet të punojmë. Tani propozojmë një ndalim të naftës ruse. Ky do të jetë një ndalim i plotë i importit për të gjithë naftën ruse, në det dhe tubacione, të papërpunuar dhe të rafinuar.
Ne do të sigurohemi që të heqim dorë nga nafta ruse në një mënyrë të rregullt, në një mënyrë që na lejon ne dhe partnerët tanë të sigurojmë rrugë alternative të furnizimit dhe të minimizojmë ndikimin në tregjet globale”, tha ajo.
Importet ruse përbëjnë 25% të naftës në BE dhe janë një burim kryesor i të ardhurave për Kremlinin, por niveli i varësisë ndryshon dhe ministrat sllovakë dhe hungarezë kanë thënë tashmë se do të kërkojnë përjashtime nga propozimet. /abcnews.al
