Robert Lewandowski është një goleador i lindur dhe një profesionist i madh. Sulmuesi i Bayern Munchen e kryen saktë detyrën e tij çdo sezon dhe prej vitesh shënon gola pafund në portat kundërshtare. Thomas Muller është një prej atyre qe e njeh shumë mirë.
Të dy kanë luajtur së bashku në sulmin e skuadrës bavareze dhe gjermani e vlerëson jashtë mase Lewandowskin. “Qëndron vetëm pas Gerd Muller në aspektin e finalizimit”, komenton 30-vjeçari për Sport Bild.
Muller vazhdon edhe më tej dhe thur elozhe për bomberin polak. “E kam shok skuadre, luajmë bashkë dhe ky është shkaku pse nuk arrij ta fus te legjendat, por ai është i tillë. Ia kalon edhe Rummenigges. Titujt të kthejnë në një legjendë dhe trofetë e fituar nga Leva flasin qartë”, deklaron Muller. /abcnews.al
