Kompania SpaceX e Elon Musk po lëshon mijëra satelitë në orbitë. Shumë njerëz thonë se i kanë parë në qiell. Ata synojnë të ofrojnë shërbimin e internetit me shpejtësi të lartë nga hapësira në zonat e largëta të botës.
ÇFARË ËSHTË STARLINK DHE SI FUNKSIONON?
Starlink është një rrjet i madh satelitor, që ofron shërbimin e internetit në rrjetin e saj. E destinuar për njerëzit që jetojnë në zona të largëta që nuk mund të kenë akses në internet me shpejtësi të lartë.
Drejtori i Projekteve Hapësinore në Universitetin e Portsmouth, Dr. Lucinda King tha: “Ka njerëz të kësaj kategorie në MB, por më shumë në pjesë të tjera të botës, në vende si Afrika”.
Satelitët e Starlink u vendosën në orbitë me lartësi të ulët rreth Tokës për të bërë lidhjen midis satelitëve dhe tokës sa më shpejt të jetë e mundur.
Megjithatë, nevojiten një numër i madh satelitësh në lartësi të ulët për të mbuluar të gjithë botën.
Starlink mendohet se ka vendosur rreth 3000 satelitë në hapësirë që nga viti 2018. Chris Hall thotë se 10,000 ose 12,000 satelitë mund të përdoren në fazën përfundimtare.
“Përdorimi i satelitëve zgjidh problemin e sigurimit të lidhjes me internetin në zona të largëta në shkretëtira dhe male. Kjo e bën të panevojshme nevojën për të ndërtuar sasi masive të infrastrukturës si kabllot dhe shtyllat për të arritur këto zona”, u shpreh Hall.
96 % e familjeve në Mbretërinë e Bashkuar dhe 90 përqind e familjeve të BE-së dhe SHBA-së tashmë kanë qasje në internet me shpejtësi të lartë.
Kompania thotë se tani ka 400,000 abonentë në 36 vendet që mbulon kryesisht në Amerikën e Veriut, Evropë dhe Ishujt e Azisë Juglindore. Këto përfshijnë si familjet ashtu edhe bizneset.”/abcnews.al
