Bledar Devolli nuk është më trajner i Drenicës. Eliminimi nga Kupa e Kosovës e ka dëshpëruar trajnerin nga Gjirokastra, i cili mori drejtimin e ekipit dardan 25 tetorin e vitit të kaluar.
Skuadra nga Skënderaj humbi 1-0 sot përballë Dukagjinit të divizionit të dytë, që siguroi kualifikimin në gjysmëfinalet e Kupës së Kosovës. Devolli ka vendosur të japë dorëheqjen, teksa Drenica duhet të gjejë shpejt trajnerin e ri.
Ecuria në kampionat nuk është aspak e mirë për kuqezinjtë, të cilët renditen në vend të parafundit dhe rrezikon seriozisht rrëzimin një kategori më poshtë.
Bledar Devolli ndahet me klubin!
Skenderaj – 17-03-2021
Trajneri Bledar Devolli, pas takimit me presidentin e klubit…
Posted by FC Drenica – Faqja Zyrtare on Wednesday, 17 March 2021
“Trajneri Bledar Devolli, pas takimit me presidentin e klubit z. Ilir Veliqi, ka paraqitur dorëheqje e tij të parevokueshme, pas eliminimit nga Kupa e Kosovës, në çerekfinale, nga Dukagjini i Klinës.
Presidenti i klubit, pasdite aprovoi dorëheqjen e trajnerit Devolli, dhe sot përfundon angazhimi i trajnerit gjirokastrit në klubin tonë.
Ne e falënderojmë Bledar Devollin për punën dhe angazhimin në klub gjatë gjithë kësaj kohe. Klubi i uron suksese Devollit në angazhimet e tij të radhës“, lexohet në postimin e klubit dardan. /abcnews.al
