Elbasan, barriera e rrugës çan mes për mes makinën

Një aksident i frikshëm në rrugën Elbasan-Librazhd. Ngjarja ndodhi në orët e para të mëngjesit në fshatin Labinot Fushë. Një automjet tip Opel me targë greke është përplasur me një furgon dhe që të dy kanë devijuar nga rruga. Për fat nga ky aksident nuk pati të lënduar me përjashtim të tronditjeve të drejtuesve të automjeteve dhe disa qytetarëve. Por siç shihet nga foto, ndarësja anësore e rrugës ka hyrë brenda mjetit tip Opel dhe nëse aty do të kishte qenë ulur njeri, atëherë mund të ishte me pasoja tragjike. Policia po punon për zbardhjen e rrethanave të këtij aksidenti. /ABC News Albania 24/7