Një ekzekutim me armë zjarri ka ndodhur mëngjesin e kësaj të hëne në qytetin e Laçit. Ku si pasojë ka humbur jetën 60 vjeçari, Xhelal Reçi.
Burime për abcnews.al bëjnë me dije se ai është ekzekutuar në afërsi të bizneseve të tij, pasi njihej si pronar i një butiku dhe i një bar kafeje në këtë qytet.
Paraprakisht dyshohet se autorë kanë qenë dy dhe të maskuar.
LEXO EDHE: Vrasja në Laç, policia jep detaje
Ndërkaq në lidhje me këtë ngjarje mësohet se një makinë e cila dyshohet të jetë e autorëve është gjetur e djegur në afërsi të lumit.
Policia bën me dije se drejt Laçit për të ardhur në ndihmë të autoriteteve lokale, janë nisur grupe të FNSH-së.
“Në vijim të informacionit paraprak të dhënë për ngjarjen në qytetin e Laçit, në Milot, Kurbin është gjetur i djegur një automjet i cili dyshohet se është i autorëve.
Vijon puna intensive për fiksimin e çdo provë për identifikimin dhe kapjen e autorëve të ngjarjes“, thuhet në njoftimin e policisë./abcnews.al
