Një politikan që konsiderohet tradhtar nga Ukraina, pasi ndryshoi krah duke mbështetur Vladimir Putinin në luftën kundër vendit të tij, është ekzekutuar në banesën e tij në rajonin e Kherson, ku trupat e Kievit po kryejnë një kundërofensivë.
33-vjeçari Oleksiy Kovalyov, është goditur për vdekje me një armë gjahu, ndërsa gruaja e tij 38 vjeçe u godit me thikë dhe ju pre fyti nga agresorët, para se të ndërronte jetë në spital.
Një kanal Telegrami i drejtuar nga gazetari ukrainas Andrei Tsaplienko konfirmoi se “tradhtari, bashkëpunëtori dhe ish-deputeti i Popullit Oleksiy Kovalyov u qëllua për vdekje në shtëpinë e tij.
“Pushtuesit kanë filluar kërkimet intensive dhe kontrollet e dokumenteve. Kini kujdes, ukrainas”, thuhet më tej.
Mediat lokale raportojnë se çifti besohet se është vrarë nga një skuadër goditëse.
Oleksiy Kovalyov, mbante një post të lartë në administratën ushtarako-civile të emëruar nga Moska në Kherson, në lidhje me bujqësinë. Pas një tentative ttë dështuar për vrasje më herët, Kovalyov u kishte thënë në mënyrë sfiduese armiqve të tij ukrainas: “Nuk do të më ndalni dot”.
Pesë atentate të tjera të dyshuara janë raportuar në rajonin e Khersonit, me Ukrainën që tani është përfshirë në një kundërofensivë për të rimarrë territorin nga rusët.
Vladimir Saldo, kryetar i kryeqytetit rajonal të Khersonit, ndodhet në koma në një spital në Moskë pas dyshimeve për helmim. /abcnews.al
