Policia po vijon hetimet për zbardhjen e vrajes së Hekuran Billës dy netë më parë tek “Komuna e Parisit” në Tiranë.
Burime për abcnews.al bëjnë me dije se fill pas vrasjes së mbrëmshme, policia ka shkuar për të verifikuar familjen Prel Markut në Shkodër, të riut që u vra nga Billa në vitin 2006 duke i gjetur të gjithë aty përveç të vëllait Viktor Marku 34 vjeç.
Lexo edhe: Pamjet e ekzekutimit të Hekuran Billës, veprimi i atentatorëve direkt pas breshërisë
Siç bëjnë me dije burime policore, vëllai i tij është duke u kërkuar për t’u marrë në pyetje nga policia në lidhje me ngjarjen për të verifikuar nëse është autori, porositësi apo nëse ka ndonjë alibi që nuk e lidhin me çfarë ndodhi.
Pista kryesore e atentatit ndaj Hekuran Billës, vijon të mbetet hasmëria, lidhur me vrasjen që ai ka bërë 14 vite më parë, ku viktimë mbeti Prel Marku dhe u plagosën dy të tjerë.
Ndërkohë, anëtarë të familjes Marku, të pyetur nga hetuesit e çështjes kanë deklaruar se nuk kanë asnjë hasmëri me familjen Billa dhe se konflikti mes tyre është mbyllur vite më parë.
Vrasja e Prel Markut në 2006
Billa akuzohet se ka vrarë në vitin 2006 Prel Markun dhe është deklaruar fajtor nga gjykata angleze për veprën penale të “Vrasjes”
Në vitin 2006 Billa qëlloi për vdekje Prel Markun, ndërsa plagosi dy të tjerë, Petrit Brahoj, Agron Gjoni.
Por si lindi konflikti që çoi në një të vrarë dhe dy të plagosur?
Mediat angleze i kanë kushtuar vëmendjen ngjarjes së ndodhur asokohe. Në shtypin anglez është raportuar se ngjarja në fjalë ndodhi për shkak të konfliktit për territore mes anëtarëve të mafias shqiptare.
Bandat shqiptare kishin krijuar një skemë vjedhje të makinetave të pagesave në parkingje, në qytetin e Westminster. Anëtarët e bandës këtë skemë e kishin përhapur më pas edhe në qytete të tjera, por patën mosmarrëveshje, për mënyrën e ndarjes së zonave.
LEXO EDHE: U vra kur duhet të ishte përjetë pas hekurave, ILD nis verifikimin për lirimin e Hekuran Billës
Këtu lind edhe konflikti mes tyre, që çoi në një të vrarë dhe dy të plagosur, shkruan abcnews.al.
Pas disa javësh kërcënimesh verbale dhe tensionesh që përshkallëzoheshin, Petrit Brahoj, 31 vjeç, dhe rivali i tij Hekuran Billa (Herland Bilali) , u përleshën natën e 13 tetorit 2006.
Ngjarja ndodhi në një klub ku Hekuran Billa dhe Kujtim Spahiu hapën zjarr. Prel Marku, 22 vjeç, u qëllua në kokë dhe humbi jetën, ndërsa shënjestra e sulmit Petrit Brahoj u qëllua tre herë dhe mbijetoi. Po ashtu i plagosur në këmbë mbeti edhe Agron Gjoni.
Ndërsa pronari i klubit, Musa Prahmani, dhe një klient tjetër shpëtuan pasi u hodhën në dritaren e katit të dytë, shkruan abcnews.al.
Autorët më pas u larguan me një mjet tip Volkswagen. Kujtim Spahiu u dënua me 33 vite burg, pasi u arrestua dy ditë pas ngjarjes, ndërkohë, Hekuran Billa, autori kryesor i sulmit u dënua në vitin 2008 me burgim të përjetshëm, për vrasje me rekomandim që të vuaj një minimum prej 34 vjetesh para lirimit; me nga 15 vjet burgim per dy “Vrasje të mbetura në tentativë”.
Si u lirua nga burgu Hekuran Billa edhe pse ishte i dënuar përjetë
Hekuran Billa u vra dy netë më parë ndërkohë që duhet të ishte në burgim përjetë pas vrasjes së Prelë Markut në vitin 2006 në Angli.
Por si nisi kalvari i vendimeve që sollën lirimin e tij? Në vitin 2014, gjykata e Faktit kishte lënë në fuqi vendimin për burgim të përjetshëm për Billën e ekstraduar nga Anglia, duke u bazuar në faktet e autoriteteve Britanike për vrasjen e Prelë Markut.
Në vendimin e siguruar nga Abc News thuhet se Billa u la në qeli për veprat penale te “Vrasjes”, “Vrasjes së mbetur në tentativë” dhe “Plagosje me dashje për të shkaktuar lëndim të rëndë trupor”.
“Shtetasi shqiptar Hekuran Billa pas disa konflikteve qe ka pasur me disa shtetas Shqiptare qe jetonin ne Angli, me datën 14.10.2006 ka hyre ne një lokal ne rrugën Park Royal dhe ka qëlluar me breshëri me arme ne drejtim te tyre, ku si rezultat ka mbetur i vrare shtetasi Prel Marku dhe kane mbetur te plagosur shtetasit Petrit Brahoj, Agron Gjoni dhe Musa Rrahmani.
Për këto fakte ai është deklaruar fajtor për veprën penale te “Vrasjes” së shtetasit Prel Marku, eshte deklaruar fajtor për veprën penale të “Vrasjes së mbetur në tentativë” ndaj shtetasve Petrit Brahoj, Agron Gjoni, si dhe është deklaruar fajtor për veprën penale “Plagosje me dashje për të shkaktuar lëndim të rëndë trupor”, për shtetasin Musa Rrahmani”, thuhet në vendim.
Por ky vendim u rrëzua nga Gjykata e Apelit e kryesuar nga Lefter Jahaj me kërkesë të të dënuarit, i cili pretendonte se ishte dënuar vetëm për një vepër penale, ndryshe nga gjykata britanike.
Kjo gjykatë e quajti të padrejtë dënimin e përjetshëm duke e konvertuar atë në 25 vite burg.
LEXO EDHE: U vra kur duhet të ishte përjetë pas hekurave, ILD nis verifikimin për lirimin e Hekuran Billës
“Gjykata Apelit Tirane konstaton se, Gjykata e faktit ka gabuar kur ka bere konvertimin e denimit, nga veprat penale te “Vrasjes” te “Vrasjes mbetur ne tentative” dhe te “plagosjes me dashje per te shkaktuar demtime te renda trupore”, per te cilat eshte denuar ne shtetin Anglez ne “Vrasje te cilesuar” sipas Kodit Penal Shqiptar, të parashikuar nga neni 79/dh te K.Penal, pasi gjykata nuk mund te beje cilësim të ndryshëm ligjor te vepres jashte asaj qe eshte theksuar ne vendimin per te cilin eshte kërkuar te behet njohja, siç ka vepruar ne rastin konkret.
Ne baze te nenit 76-23 te K.Penal i caktohet denimi prej 15 vjet burgim dhe ne baze te nenit 88/1 te K.Penal i caktophet denimi prej 10 vjet burgim.
Ne aplikim te nenit 55 te K.Penal i caktohet nje denim i vetem prej 25 vjet burgim”
LEXO EDHE: Ekzekutimi i Hekuran Billës, autorët e qëlluan me 11 plumba, kamerat fiksojnë makinën shoshë
Nisur nga ky vendim, Billa do duhet të ishte ende në qeli duke vuajtur edhe 10 vite të tjerë dënim. Por çështja e tij mori një rrjedhë të re me shaqjen e gjyqtares Enkelejda Hoxha e njohur si gjyqtarja që liron nga qelia të fortët.
Në vendimin e zbardhur nga abcnews.al, Hoxha i ka falur 5 vite Billës, ndërkohë që 5 vitet e fundit i ka konvertuar në shërbim prove, duke e nxjerrë atë menjëherë nga qelia.
Por ajo që është e pazakontë në këtë mes, është pikërisht arsyetimi me të cilin Hoxha ka firmosur lirimin e tij duke deklaruar se ai është në pamundësi ekonomike dhe duhet të punojë për të siguruar ilaçet e prindërve.
“I dënuari me burgim të përjetshëm mund të lirohet me kush nga vuajtja e dënimit për arsye të veçanta, nëse me sjelljen dhe punën e tij tregon se me dënimin e vuajtur i është arritur qëllimit për edukimin e tij si dhe të ketë vuajtur jo më pak se 3/4 e dënimit të dhënë dhe ligji citon se nuk lejohet lirimi me kusht për të dënuarit përsëritës.
I dënuri Hekurajn Billa ka vlerësime shumë të mira të sjelljes dhe ka respektuar me përpikmëri rregulloren e burgut, ka marrëdhënie shumë të mira me personelin dhe bashkëvuajtësit e tij.
Hekuran Billa rezulton se ka manifestuar sjellje dhe qëndrime shumë korrekte në drejtim të respektimit të rregullores së brendshme të institucionit, duke mos pasur masa disiplinore dhe ndihet i penduar për kryerjen e veprës penale.
Për të dënuarin Hekuran Billa pasi përmbushen kriteret ligjore, ai paraqet edhe arsyet e veçanta të tij që janë prezenca për të qenë pranë dy prindërve të tij të cilët janë të moshuar dhe në gjendje të rëndë shëndetësore.
Gjithashtu një arsye tjetër është gjendja ekonomike e vështirë pasi të vetmet të ardhura që ai ka janë pensioni i prindërve të tij, i cili është i pamjaftueshëm për ilaçet e tyre, ndaj ai ka paraqitur dhe një kontratë për punësim pranë një studio ligjore Duka,
ku do të punësohet si korrier dhe është i motivuar që të riintegrohet në shoqëri, duke dashur të kujdeset për familjen e tij dhe për një punësim të qëndrueshëm”, thuhet në vendimin që mban firmën e Enkeleda Hoxhës në 22 shkurt 2019.
Nga ana tjetër, Hekuran Billaishte pronar i disa biznesevenë fushën e tregtisë së automjeteve, në fushën e shërbimit ndaj mjeteve të transportit duke përfshirë gjithë sektorin e mekanikës dhe kishte në pronësi edhe një dyqan këpucësh./abcnews.al
/abcnews.al
