Nga Erblina Mile
Rritet ndjeshëm kreditimi i ekonomisë shqiptare gjatë muajve të fundit. Në fund të muajit tetor stoku total i kredisë së dhënë nga bankat e nivelit të dytë ka arritur në rreth 652 mld lekë .Sipas të dhënave të Bankës së Shqipërisë kjo shifër është rreth 10% më e lartë nëse e krahasojmë me të njëjtën periudhë të një viti më parë.
Ndërkohë në krahasim me një muaj më parë konstatohet se kjo është vlera më e lartë e regjistruar gjatë vitit duke i dhënë ekonomisë 15 mld lekë më shumë vetëm në një muaj. Më shumë mbështetje financiare nga bankat kanë marrë bizneset ndërsa për individët për blerje banese duket se huaja bankare po jep sinjale ngadalësimi, pas rekordeve që ka regjistruar në muajt paraardhës.
Niveli i kreditimit të ekonomisë shqiptare tashmë ka arritur vlerat e vitit 2019 që tregon se tashmë ka nisur rimëkëmbja pas goditjes që mori një vit më parë për shkak të pandemisë.
Nëse bëjë më një krahasim të huasë së dhënë nga bankat gjatë periudhës janar-tetor rritja me një vit më parë është 10 mld lekë më tepër. Po sipas statistikave të Bankës së Shqipërisë, kredia e re e disbursuar nga bankat tregtare ishte në vlerën 22.6 miliardë lekë.
Kreditimi i ekonomisë
Tetor 2020 592,2 mld lekë
Tetor 2021 651,9 mld lekë
Kredia për periudhën janar-tetor
2018 215.9 mld lekë
2019 199.7 mld lekë
2020 187 mld lekë
2021 197 mld lekë
/ Abcnews.al
