Problemet nuk po i ndahen.
Partizani pati shumë mungesa dhe kjo I ndodhi në momentin kulmor.
Të kuqtë nga kryeqyteti ishin me gjashtë mungesa të sigurta dhe dy lojtarë aspak në formën e duhur dhe të kthyer nga dëmtimi, ndërsa luajtën në fushën aktualisht më të vështirë të Superligës.
Egnatia, kampionia në fuqi, përfitoi nga kjo, por edhe nga cilësia e vet, duke triumfuar 2-0 e duke I lënë rivalët edhe më shumë prapa në kreun e renditjes.
Regi Lushkja realizoi shumë shpejt, që në minutën e 6-të, dhe Sota vulosi rezultatin kur kishte kaluar pak më shumë se një orë lojë.
Partizani I trajnerit Veselinoviç u tregua disa herë I rrezikshëm në pjesën e parë, duke goditur edhe shtyllën, por pas pushimit diferenca në cilësi u bë më e thellë.
Të kuqve u munguan Eleke dhe Kote të dëmtuar, si dhe Taipi, Bytyçi, Janjeva e Kote ishin të pezulluar.
Kote u kthye në fushë pas dy muajve e gjysmë, e kuptohet që nuk kishte formën e duhur.
Po ashtu, Atanakoski, I marrë për titullar, por I lënduar dhe hyri vetëm për pak minuta në pjesën e dytë.
Me këtë fitore, kampionët e trajnerit Edlir Tetova mbajtën vendin e parë edhe pas javës së 25-të me 48 pikë, ndërsa kryeqytetasit janë të katërtët me 40.
Në ndeshjen tjetër të luajtur në të njëjtën orë, Bylisi dhe Elbasani u ndanë në barazim 1-1 në Ballsh.
Miqtë e trajnerit Gvozdenoviç kaluan të parët në epërsi kur shënoi Cague në 12’, por mallakastriotët shmangën humbjen në debutimin e trajnerit Mezani.
Berko barazoi në 65’.
