Telashet te Partizani sa vijnë e shtohen, këtë kampionat nuk kanë arritur akoma të sigurojnë fitoren e parë.
Kësaj i shtohen edhe dëmtimet e disa lojtarëve. Ndeshja me Egnatian që doli barazim duket se i ka “plagosur” edhe më shumë “demat”.
3 lojtarë janë dëmtuar dhe do të mungojnë për disa ditë, Alban Hoxha, Damcevski dhe Maguette.
Kapiteni i “demave” ka pësuar një dëmtim në gishtin e dorës dhe sipas të gjitha gjasave pritet të mungojë 3 javë.
Problemet me brinjët do e mbajnë një muaj larg fushave Damcevskin i cili doli i dëmtuar nga ndeshja me Egnatian. Po e njëjta kohë rikuperimi parashikohet edhe për Maguette i cili gjithashtu la fushën e lojës i dëmtuar.
Kujtojmë se aktualisht kanë probleme me dëmtimet edhe Lucas Cardoso, Ergys Kaçe, ndërsa kanë shfaqur probleme edhe Stenio Junior dhe Tedi Cara. /f.a/abcnews.al
