Trajneri i Tiranës, Emanuel Egbo, ka folur për RTSH Sport pas ndeshjes miqësore të humbur 0-2 kundër Apolonisë. Egbo u shpreh se kjo sfidë ishte vetëm një mundësi për të parë më mirë ekipin e tij, si dhe për t’i dhënë mundësinë disa futbollistëve të Akademisë.
“Ndeshja e sotme ishte për të parë se çfarë kemi mirë dhe çfarë jo. Kishim mundësi të shihnim të gjithë lojtarët në dispozicion. Besoj se është një miqësore që na vlen për të parë se çfarë duhet të bëjmë dhe çfarë jo.
Futbollistët afrikanë kanë dalë dje në stërvitje, nuk mund të them se çfarë niveli me 1-2 seanca stërvitore. Zgjodhëm dhe lojtarë të akademisë për këtë ndeshje sepse duam të bëjmë të njëjtën gjë dhe sezonin e kaluar.
Deri kur mbyllet merkato, do të them se çfarë kemi përmbushur dhe çfarë jo. Normal bazën e kemi, do të përgatisim 11-shen më të mirë. Më pas do të përcaktojmë dhe cilët do jenë në stol.
Mendoj që do ketë shumë ekipe të forta, duan ta tregojnë më të mirën e tyre. Çdo skuadër ka 4-5 lojtarë të mirë, për mua janë të gjithë pretendentë”, u shpreh Egbo./abcnews.al
