Ish-kryenegociatorja e Kosovës në bisedimet me Serbinë, Edita Tahiri, ka thënë se Shqipëria duhet të jetë lider në Ballkan sepse është shteti i vetëm në Ballkan që ka qenë faktor stabiliteti në kohë krizash e luftërash.
Tahiri në shkrimin e saj në Facebook thekson se një gjenocidbërëse si Serbia nuk mund të bëhet lidere e rajonit.
“Nëse dikush duhet me qenë lider në Ballkan, duhet të jetë Shqipëria, sepse është e vetmja në Ballkan që ka qenë faktor paqeje e stabiliteti në kohët e krizave dhe luftërave. Një gjenocidbërëse si Serbia nuk mund të bëhet lidere e rajonit” shkruan Tahiri.
Deklarata e Tahirit vjen, ndërkohë që sot u mbajt në Elbasan mbledhja e shtatë mes qeverisë së Kosovës dhe Shqipërisë. Në mbledhjen e sotme u nënshkruan një sërë marrëveshjes që synojnë lehtësimin e qarkullimit, por edhe shkëmbimeve tregtare mes dy vendeve. g.v/abcnews.al
