Ndalur tek vështirësitë ekonomike që do të hasë turizmi apo edhe sektorët e tjerë, ministrja e Ekonomisë dhe Financave Anila Denaj deklaroi në emisionin Abc-ja e Mëngjesit, se punonjësit e tyre duhet të jenë fleksibël për të punuar në sektorë të tjerë.
Ajo përmendi sektorin e ndërtimit, duke theksuar se fondi për rindërtimin e banesave të prekura nga tërmeti nuk është prekur.
LEXO EDHE: Denaj në Abc News: Garancia e dytë sovrane ndihmon bizneset të rimodelohen gjatë Covid-it
“Kjo situatë mund të sjellë një rimodelim të fuqisë punëtore. Nëse ai punonjës punonte në hoteleri-turizëm. mund të punojë në ndërtim, sepse fondet e rindërtimit janë të paprekura. Fleksibiliteti për të ndryshuar punën duhet të jetë i lartë”, tha Denaj.
Ndërkohë, Enkel Demi ndërhyri duke e pyetur “edhe këngëtarët?”
“Edhe këngëtarët që përmendët ju duhet të mendojnë në këtë drejtim. Qarkullimi në këto sektorë do të jetë më i ulët dhe do të ketë një rialokim. Duhet të kemi një fleksibiltet për të lëvizur në sektorë të ndryshëm”, tha Denaj./abcnews.al
