Kryeministri i Malit të Zi, Dritan Abazoviç është shprehur se sezoni turistik në vendin e tij është përtej çdo pritshmërie.
“Propaganda është e kotë, sezoni turistik i tejkalon të gjitha pritjet”, shkroi Abazoviç në Twitter, duke komentuar një video të një kolone makinash që lëvizin drejt bregdetit malazez. Ai u uroi mirëseardhjen turistëve, siç tha ai, në vendin më të bukur të Mesdheut.
“Niđe nikog u Crnoj Gori” ?
Uzalud propaganda – turistička sezona iznad svih očekivanja!
Dobro došli u najljepšu zemlju Mediterana! ??????
Preuzeto sa: #PodgoričkiVremeplov pic.twitter.com/tAwBij0BXo
— Dr Dritan Abazovic (@DritanAbazovic) July 30, 2022
Duket se qeveritë e rajonit janë në një “garë” shifrash. Jo më larg se pak ditë më parë, ministrja shqiptare e turizmit foli për një situatë përtej çdo pritshmërie. Madje, sipas Mirela Kumbaros, Shqipëria po i merr turistë Greqisë.
“Thuajse 200,000 qytetarë grekë vizituan Shqipërinë në gjysmën e parë të këtij viti; Rritja më e madhe vjetore e turistëve ishte ajo e grekëve me një normë 410%”, do të deklaronte Kumbaro. /abcnews.al
