Ed Sheeran po nxjerr në ankand lodrat e tij të fëmijërisë dhe tekstet e shkruara me dorë për të mbledhur para për bamirësi. Ylli i pop-it ka dhuruar sende personale duke përfshirë disa tekste me shkrim nga hiti i tij “Perfect” për një bamirësi në Suffolk.
Sheeran shpreson të shesë pasuritë e tij të çmuara për të mbledhur para për të rinjtë në Suffolk, duke përfshirë edhe rindërtimin e një sheshi lojrash në Ipsëich. David Beckham, Kylie Minogue dhe Usain Bolt dhuruan gjithashtu artikuj në ankandin në internet, i cili do të zgjasë deri më 8 nëntor.
Data e përfundimit të ankandit përkon me ditën e fundit të ekspozitës Ed Sheeran: Made in Suffolk , që tregon historinë e ngjitjes në karrierë si një yll me famë botërore. Një portret i madh i tij pikturuar nga Colin Davidson është gjithashtu një nga artikujt e shumtë të dhuruar në ankandin e bamirësisë. /abcnews.al
